romanATTHA book 2 Page 202.

Tasma yo visatiagghanakam antaravasakam cetapetukamo tam ettakameva agghanakam civaram dehiti vattumpi vattati. Sesam uttanatthameva. Samutthanadinipi taduttarisikkhapadasadisanevati. Pathamaupakkhatasikkhapadavannana nitthita. {532} Dutiyaupakkhatasikkhapade iminava nayena attho veditabbo. Tam hi imassa anuppannattisadisam. Kevalam pathamasikkhapade ekassa pila kata dutiye dvinnam. Ayamettha viseso. Sesam sabbam pathamasadisameva. Yatha ca dvinnam evam bahunam pilanam katva ganhatopi apatti veditabba. Dutiyaupakkhatasikkhapadavannana nitthita. {537} Tena samayenati rajasikkhapadam. Tattha upasakam sannapetvati janapetva. Imina mulena civaram kinitva therassa dehiti evam vatvati adhippayo. Pannasabandhoti pannasakahapano dandoti vuttam hoti. Pannasambandhotipi patho. Ajjunho bhante agamehiti bhante ajja ekadivasam amhakam tittha adhivasehiti attho. Paramasiti ganhi. Jinositi jitosi pannasam jito asi. Pannasam dapetabboti adhippayo. {538-539} Rajabhoggoti rajato bhoggam bhunjitabbam assa atthiti rajabhoggo. Rajabhogotipi patho. Rajato bhogo assa atthiti attho. Pahineyyati peseyya. Uttanatthatta panassa padabhajanam na vuttam. Yatha ca etassa evam civaram itthannamam bhikkhunti adinampi padanam

The Pali Atthakatha in Roman Character Volume 2 Page 202. http://84000.org/tipitaka/read/attha_page.php?book=2&page=202&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=4237&modeTY=2&pagebreak=1 http://84000.org/tipitaka/atthapali/rm_line.php?B=2&A=4237&modeTY=2&pagebreak=1#p202