romanATTHA book 2 Page 302.

Upaddhaparicchanne culakacchanne anapatti culakacchanne culakaparicchanne anapatti. Sabbacchanne sabbaaparirchanneti ca ettha adhippetam penambamandapavannam hotiti vuttam. Iminapetam veditabbam yatha jagati parikkhepasankhyam na gacchati. Sesam uttanatthamevati. Elakalomasamutthanam kayato ca kayacittato ca samutthati kiriya nosannavimokkham acittakam pannattivajjam kayakammam ticittam tivedananti. Sahaseyyasikkhapadam pancamam. {55} Dutiyasahaseyyasikkhapade. Avasathagaranti agantukanam vasanagaram. Pannattam hotiti punnakamataya katva thapitam hoti. Yena sa itthi tenupasankamiti asukasmim nama thane avasathagaram pannattam atthiti manussanam sutva upasankami. Gandhagandhiniti agarukunkumadinam gandhanam gandho gandhagandho so assa atthiti gandhagandhini. Satakam nikkhipitvati appevanamassa imampi vippakaram passantasseva rago uppajjeyyati cintetva evam akasi. Okkhipitvati adho khipitva. Accayoti aparadho. Mam accaggamati mam atikkamma abhibhavitva pavatto. Sesam pathamasikkhapade vuttanayeneva veditabbam. Ayameva hi viseso pathamasikkhapade catutthadivase apatti idha pathamadivasepi. Yakkhipetihi dissamanakarupahi tiracchanagatitthiya ca methunadhammavatthubhutayaeva dukkatam. Sesa hi anapatti. Samutthanadinipi pathamasikkhapadasadisanevati. Dutiyasahaseyyasikkhapadam chattham.

The Pali Atthakatha in Roman Character Volume 2 Page 302. http://84000.org/tipitaka/read/attha_page.php?book=2&page=302&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=6353&modeTY=2&pagebreak=1 http://84000.org/tipitaka/atthapali/rm_line.php?B=2&A=6353&modeTY=2&pagebreak=1#p302