ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๒ ภาษาบาลี อักษรไทย วินย.อ. (สมนฺต.๒)

หน้าที่ ๓๐๘.

     {๘๓} วตฺถุํ อาโรเจตีติ อยํ สุกฺกวิสฏฺฐึ อาปนฺโน กายสํสคฺคํ อาปนฺโน
ทุฏฺฐุลฺลํ อาปนฺโน อตฺตกามํ อาปนฺโนติ เอวํ วทนฺตสฺส อนาปตฺติ ฯ
อาปตฺตึ อาโรเจตีติ อยํ ปาราชิกํ อาปนฺโน สงฺฆาทิเสสํ อาปนฺโน
ถุลฺลจฺจยํ อาปนฺโน ปาจิตฺติยํ ปาฏิเทสนียํ ทุกฺกฏํ ทุพฺภาสิตํ
อาปนฺโนติ วทติ อนาปตฺติ ฯ อยํ อสุจึ โมเจตฺวา สงฺฆาทิเสสํ
อาปนฺโนติ อาทินา นเยน วตฺถุนา สทฺธึ อาปตฺตึ ฆเฏตฺวา
อาโรเจนฺตสฺเสว อาปตฺติ ฯ เสสเมตฺถ อุตฺตานเมว ฯ ติสมุฏฺฐานํ
กายจิตฺตโต วาจาจิตฺตโต กายวาจาจิตฺตโต จ สมุฏฺฐาติ กิริยา
สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ
ทุกฺขเวทนนฺติ ฯ
                ทุฏฺฐุลฺลาโรจนสิกฺขาปทํ นวมํ ฯ
     {๘๖} ทสมสิกฺขาปเท ฯ ชาตา จ ปฐวี อชาตา จ ปฐวีติ
อิเมหิ ปเทหิ ชาตปฐวิญฺจ อชาตปฐวิญฺจ ทสฺเสติ ฯ
อปฺปปาสาณาทีสุ อปฺปา ปาสาณา เอตฺถาติ อปฺปปาสาณาติ เอวมตฺโถ
ทฏฺฐพฺโพ ฯ ตตฺถ มุฏฺฐิปฺปมาณโต อุปริ ปาสาโณ เวทิตพฺโพ ฯ
มุฏฺฐิปฺปมาณา สกฺขรา ฯ กถลาติ กปาลขณฺฑานิ ฯ มรุมฺพาติ
ปากฏสกฺขรา ฯ วาลุกาติ วาลุกาเยว ฯ เยภุยฺเยน ปํสูติ ตีสุ
โกฏฺฐาเสสุ เทฺวโกฏฺฐาสา ปํสุ เอโก ปาสาณาทีสุ อญฺญตโร ฯ
อทฑฺฒาปีติ อุทฺธนปตฺตปจนกุมฺภการาวาปาทิวเสน ตถา ตถา
อทฑฺฒา ฯ สา ปน วิสุํ นตฺถิ สุทฺธปํสุอาทีสุ อญฺญตรา
เวทิตพฺพา ฯ เยภุยฺเยน สกฺขราติ พหุตรา สกฺขรา ฯ หตฺถิกุจฺฉิยํ



เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๓๐๘. http://84000.org/tipitaka/read/attha_page.php?book=2&page=308&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=6482&modeTY=2&pagebreak=1 http://84000.org/tipitaka/atthapali/th_line.php?B=2&A=6482&modeTY=2&pagebreak=1#p308


จบการแสดงผล หน้าที่ ๓๐๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]