ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๒ ภาษาบาลี อักษรไทย วินย.อ. (สมนฺต.๒)

หน้าที่ ๓๔๒.

กริสฺสามีติ สมฺปฏิจฺฉิเต อิตรสฺส คนฺตุํ วฏฺฏติ ฯ เอวํ อญฺญตฺถ
หริตฺวาปิ สงฺฆิกปริโภเคน ปริภุญฺชนฺตสฺส หิ นฏฺฐํ วา ชิณฺณํ วา
โจเรหิ วา หฏํ คีวา น โหติ ปุคฺคลิกปริโภเคน ปริภุญฺชนฺตสฺส
ปน คีวา โหติ ฯ อญฺญสฺส มญฺจปีฐํ ปน สงฺฆิกปริโภเคน วา
ปุคฺคลิกปริโภเคน วา ปริภุญฺชนฺตสฺส นฏฺฐํ คีวาเยว ฯ เกนจิ
ปลิพุทฺธํ โหตีติ วุฑฺฒตรภิกฺขุอิสฺสรยกฺขสีหวาฬมิคกณฺหสปฺปาทีสุ
เกนจิ เสนาสนํ ปลิพุทฺธํ โหติ ฯ สาเปกฺโข คนฺตฺวา ตตฺถ ฐิโต
อาปุจฺฉติ เกนจิ ปลิพุทฺโธ โหตีติ อชฺเชว อาคนฺตฺวา
ปฏิชคฺคิสฺสามีติ เอวํ สาเปกฺโข นทีปารํ วา คามนฺตรํ วา คนฺตฺวา
ยตฺถสฺส คมนจิตฺตํ อุปฺปนฺนํ ตตฺเถว ฐิโต กญฺจิ เปเสตฺวา
อาปุจฺฉติ นทีปูรราชโจราทีสุ วา เกนจิ ปลิพุทฺโธ โหติ ฯ
อุปทฺทูโต น สกฺโกติ ปจฺจาคนฺตุํ เอวํ ตสฺสปิ อนาปตฺติ ฯ เสสํ
ปฐมสิกฺขาปเท วุตฺตนยเมว สทฺธึ สมุฏฺฐานาทีหิ ฯ
                ทุติยเสนาสนสิกฺขาปทํ ปญฺจมํ ฯ
     {๑๑๙} ฉฏฺฐสิกฺขาปเท ฯ ปลิพุทฺธนฺตีติ ปฐมตรํ คนฺตวา ปตฺตจีวรํ
อติหริตฺวา รุมฺภิตฺวา ติฏฺฐนฺติ ฯ เถเร ภิกฺขู วุฏฺฐาเปนฺตีติ อมฺหากํ
อาวุโส ปาปุณาตีติ วสฺสคฺเคน คเหตฺวา วุฏฺฐาเปนฺติ ฯ อนูปขชฺช
เสยฺยํ กปฺเปนฺตีติ ตุมฺหากํ ภนฺเต มญฺจฏฺฐานํเยว ปาปุณาติ
น สพฺโพ วิหาโร อมฺหากนฺทานิ อิทํ ฐานํ ปาปุณาตีติ
อนุปฺปวิสิตฺวา มญฺจปีฐํ ปญฺญาเปตฺวา นิสีทนฺติปิ นิปชฺชนฺติปิ สชฺฌายํปิ
กโรนฺติ ฯ {๑๒๐} ชานนฺติ อนุฏฺฐาปนีโย อยนฺติ ชานนฺโต ฯ เตเนวสฺส



เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๓๔๒. http://84000.org/tipitaka/read/attha_page.php?book=2&page=342&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=7201&modeTY=2&pagebreak=1 http://84000.org/tipitaka/atthapali/th_line.php?B=2&A=7201&modeTY=2&pagebreak=1#p342


จบการแสดงผล หน้าที่ ๓๔๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]