romanATTHA book 2 Page 344.

Adike dukkatavarepi yatha idha abhinisidanaabhinipajjanamatte ubhayakarane payogabhede ca pacittiyappabhedo vutto evam dukkatappabhedo veditabbo. Evarupena hi visabhagapuggalena ekavihare va ekaparivene va vasantena attho natthi tasma sabbatthevassa nivaso varito. Annassa puggaliketi idhapi vissasikassa puggalikam attano puggalikasadisameva tattha anapatti. {123} Apadasuti sace bahi vasantassa jivitabrahmacariyantarayo hoti evarupasu apadasu yo pavisati tassapi anapatti. Sesam uttanamevati. Pathamaparajikasamutthanam kiriya sannavimokkham sacittakam lokavajjam kayakammam akusalacittam dukkhavedananti. Anupakhajjasikkhapadam chattham. {126} Sattamasikkhapade. Ekena payogena bahukepi dvare atikkametiti ye catubbhumikapancabhumikapasada chassattaatthakotthakani va caturassasalani ^1- tadisesu senasanesu hatthesu va givayam va gahetva antara atthapento ekena payogena atikkameti ekameva pacittiyam. Thapetva thapetva nanapayogehi atikkamentassa dvaragananaya pacittiyani. Hatthena anamasitva nikkhamati vatva vacaya nikkaddhantassapi eseva nayo. Annam anapetiti ettha imam nikkaddhati anattamatte dukkatam. Sace so sakim anatto bahukepi dvare atikkameti ekam pacittiyam. @Footnote: ^1. itthilingo katabbo.

The Pali Atthakatha in Roman Character Volume 2 Page 344. http://84000.org/tipitaka/read/attha_page.php?book=2&page=344&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=7243&modeTY=2&pagebreak=1 http://84000.org/tipitaka/atthapali/rm_line.php?B=2&A=7243&modeTY=2&pagebreak=1#p344