บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๒ ภาษาบาลี อักษรไทย วินย.อ. (สมนฺต.๒) หน้าที่ ๔๕๙.
เสสเมตฺถ อุตฺตานเมว ฯ ติสมุฏฺานํ กิริยา สญฺาวิโมกฺขํ สจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ เอตฺถ จ ปฏงฺคปาณกานํ ปตนํ ตฺวาปิ สุทฺธจิตฺตตาย ทีปุชฺชลเน วิย สปฺปาณกภาวํ ตฺวาปิ อุทกสญฺาย ปริภุญฺชิตพฺพโต ปณฺณตฺติวชฺชตา เวทิตพฺพาติ ฯ สปฺปาณกสิกฺขาปทํ ทุติยํ ฯ {๓๙๒} ตติยสิกฺขาปเท ฯ อุกฺโกเฏนฺตีติ ตสฺส ตสฺส ภิกฺขุโน สนฺติกํ คนฺตฺวา อกตํ กมฺมนฺติอาทีนิ วทนฺตา อุจฺจาเลนฺติ ยถาปติฏฺิตภาเวน ปติฏฺาตุํ น เทนฺติ ฯ {๓๙๓} ยถาธมฺมนฺติ โย ยสฺส อธิกรณสฺส วูปสมนาย ธมฺโม วุตฺโต เตเนว ธมฺเมนาติ อตฺโถ ฯ นีหฏาธิกรณนฺติ นีหฏํ อธิกรณํ สตฺถารา วุตฺตธมฺเมเนว วูปสมิตํ อธิกรณนฺติ อตฺโถ ฯ {๓๙๕} ธมฺมกมฺเม ธมฺมกมฺมสญฺีติ เยน กมฺเมน ตํ อธิกรณํ วูปสมิตํ ตญฺเจ ธมฺมกมฺมํ โหติ ตสฺมึ ธมฺมกมฺเม อยํปิ ธมฺมกมฺมสญฺี หุตฺวา ยทิ อุกฺโกเฏติ ปาจิตฺติยํ อาปชฺชตีติ อตฺโถ ฯ เอเตน นเยน เสสปทานิปิ เวทิตพฺพานิ ฯ อยเมตฺถ สงฺเขโป ฯ วิตฺถาโร ปน อิเมสํ จตุนฺนํ อธิกรณานํ กติ อุกฺโกฏนาติอาทินา ๑- นเยน ปริวาเร วุตฺโต ฯ อฏฺกถาสุ ตํ สพฺพํ อาหริตฺวา ตสฺเสวตฺโถ วณฺณิโต ฯ มยํ ปน นํ ตตฺเถว วณฺณยิสฺสาม ฯ อิธ อาหริตฺวา วณฺณิยมาเน หิ สุฏฺุตรํ สมฺโมโห ภเวยฺยาติ น ตํ วณฺณยิมฺหา ฯ เสสเมตฺถ อุตฺตานเมว ฯ @เชิงอรรถ: ๑. วิ. ปริวาร. ๘/๓๗๒.เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๔๕๙. http://84000.org/tipitaka/read/attha_page.php?book=2&page=459&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=9678&pagebreak=1 http://84000.org/tipitaka/atthapali/th_line.php?B=2&A=9678&pagebreak=1#p459
จบการแสดงผล หน้าที่ ๔๕๙.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]