บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 486.
Seyyathapi puranasikotthoti yatha nama puranacammakaroti attho. Yatha hi puranacammakaro cammam vitthatam karissamiti itocitoca samanchati nikkaddhati evam sopi tam nisidanam. Tena tam bhagava evamaha. Nisidanannama sadasam vuccatiti santhatasadisam santharitva ekasmim ante sugatavidatthiya vidatthimatte padese dvisu thanesu phaletva tisso dasa kariyanti tahi dasahi sadasannama vuccati. Sesamettha uttanameva. Chassamutthanam. Nisidanasikkhapadam sattamam. {537} Atthamasikkhapade. Kandupaticchadi anunnata hotiti kattha anunnata. Civarakkhandhake velatthasisavatthusmim. Vuttanhi tattha anujanami bhikkhave yassa kandu va pilaka va assavo va thulakaccho va abadho kandupaticchadinti 1-. {539} Yassa adhonabhi abbhajanumandalanti yassa bhikkhuno nabhiya hettha janumandalanam upari. Kanduti kacchu. Pilakati lohitagandika sukhumapilaka. Assavoti arisabhagandaramadhumehadinam vasena asucipaggharanam. Thulakaccho va abadhoti mahapilakabadho vuccati. Sesamettha uttanameva. Chassamutthanam. Kandupaticchadisikkhapadam atthamam. {542} Navamasikkhapade. Vassikasatika anunnata hotiti kattha anunnata. Civarakkhandhake visakhavatthusmim. Vuttam hi tattha anujanami bhikkhave vassikasatikanti 2-. Sesamettha uttanameva. @Footnote: 1. 2. vi. mahavagga. 5/217. 214.The Pali Atthakatha in Roman Character Volume 2 Page 486. http://84000.org/tipitaka/read/attha_page.php?book=2&page=486&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=10253&modeTY=2&pagebreak=1 http://84000.org/tipitaka/atthapali/rm_line.php?B=2&A=10253&modeTY=2&pagebreak=1#p486
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]