บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๒ ภาษาบาลี อักษรไทย วินย.อ. (สมนฺต.๒) หน้าที่ ๕๒๑.
{๖๘๒} ทุติเย ฯ วรภณฺฑนฺติ มุตฺตามณิเวฬุริยาทิมหคฺฆภณฺฑํ ฯ {๖๘๓} อนปโลเกตฺวาติ อนาปุจฺฉิตฺวา ฯ คณํ วาติ มลฺลคณภทฺทิปุตฺตคณาทิกํ ฯ ปูคนฺติ ธมฺมคณํ ฯ เสนินฺติ คนฺธิกเสนีทุสฺสิกเสนีอาทิกํ ฯ ยตฺถ ยตฺถ หิ ราชาโน คณาทีนํ คามนิคเม นิยฺยาเทนฺติ ตุมฺเหว เอตฺถ อนุสาสถาติ ตตฺถ ตตฺถ เตเอว อิสฺสรา โหนฺติ ฯ ตสฺมา เต สนฺธาย อิทํ วุตฺตํ ฯ เอตฺถ จ ราชานํ วา คณาทิเก วา อาปุจฺฉิตฺวาปิ ภิกฺขุนีสงฺโฆ อาปุจฺฉิตพฺโพว ฯ ฐเปตฺวา กปฺปนฺติ ติตฺถิเยสุ วา อญฺญภิกฺขุนีสุ วา ปพฺพชิตปุพฺพํ กปฺปคติกํ ฐเปตฺวา ฯ เสสํ อุตฺตานเมว ฯ โจรีวุฏฺฐาปนสมุฏฐานํ เกนจิ กรณีเยน ปกฺกนฺตาสุ ภิกฺขุนีสุ อคนฺตฺวา ขณฺฑสีมํ ยถานิสินฺนฏฺฐาเนเยว อตฺตโน นิสฺสิตกปริสาย สทฺธึ วุฏฺฐาเปนฺติยา วาจาจิตฺตโต สมุฏฺฐาติ ขณฺฑสีมํ วา นทึ วา คนฺตฺวา วุฏฺฐาเปนฺติยา กายวาจาจิตฺตโต สมุฏฺฐาติ อนาปุจฺฉาวุฏฺฐาปนวเสน กิริยากิริยํ สญฺญาวิโมกฺขํ สจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ ทุติยสิกฺขาปทํ ฯ {๖๙๒} ตติเย ฯ อติกฺกาเมนฺติยาติ เอตฺถ เอกํ ปาทํ อติกฺกาเมนฺติยา ถุลฺลจฺจยํ ทุติเย อติกฺกนฺตมตฺเต สงฺฆาทิเสโส ฯ อปริกฺขิตฺตสฺส คามสฺส อุปจารนฺติ เอตฺถ ปริกฺเขปารหฏฺฐานํ เอเกน ปาเทน อติกฺกมติ ถุลฺลจฺจยํ ทุติเยน อติกฺกนฺตมตฺเต สงฺฆาทิเสโส ฯ อปิ เจตฺถ สกคามโต นิกฺขมนฺติยา คามนฺตรปจฺจยา อนาปตฺติ ฯเนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๒๑. http://84000.org/tipitaka/read/attha_page.php?book=2&page=521&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=10964&modeTY=2&pagebreak=1 http://84000.org/tipitaka/atthapali/th_line.php?B=2&A=10964&modeTY=2&pagebreak=1#p521
จบการแสดงผล หน้าที่ ๕๒๑.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]