บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 527.
{715} Atthame. Kismimcideva adhikaraneti catunnam annatarasmim. Padabhajane pana kevalam adhikaranavibhagam dassetum adhikaranam nama cattari adhikarananitiadi vuttam. Sesam uttanameva saddhim samutthanadihiti. Atthamasikkhapadam. {723} Navame. Samsatthati missibhuta. Ananulomikenati pabbajitanam ananulomikena. Kayikena vacasikena samsatthati gihinam kottanapacanagandhapimsanamalaganthanadina kayikena sasanapatisasana- haranasancarittadina vacasikena ca samsattha. Papo kittisaddo etasanti papasadda. Papo ajivasankhato siloko etasanti papasiloka. Sesam uttanameva saddhim samutthanadihi. Navamasikkhapadam. {727} Dasame. Evacarati evamacara yadiso tumhakam acaro tadiso acaroti attho. Esa nayo sabbattha. Annayati avannaya nicam katva jananaya. Paribhavenati kim ima karissantiti evam paribhavitva jananena. Akkhantiyati asahanataya kopenati attho. Vebhassati balavabhassabhavena attano attano balappakasanasamutrasanenati attho. Dubalyati tumhakam dubbalabhavena. Sabbattha unnaya ca paribhavena cati evam samuccayattho datthabbo. Viviccathati vina hotha. Sesam uttanameva saddhim samutthanadihi. Dasamasikkhapadam.The Pali Atthakatha in Roman Character Volume 2 Page 527. http://84000.org/tipitaka/read/attha_page.php?book=2&page=527&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11092&modeTY=2&pagebreak=1 http://84000.org/tipitaka/atthapali/rm_line.php?B=2&A=11092&modeTY=2&pagebreak=1#p527
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]