romanATTHA book 2 Page 530.

Telena me atthoti idam kira sa ahatasappim datva telampi aharissatiti mannamana aha. Vinnapetvati janapetva idam nama aharati yacitva va. {752} Tanceva vinnapetiti yam pathamam vinnattam tam thokam nappahoti tasma puna tanceva vinnapetiti attho. Annanca vinnapetiti sace pathamam sappi vinnattam yamakam pacitabbanti ca vejjena vuttatta telena attho hoti tato telenapi me atthoti evam annampi vinnapeti. Anisamsam dassetva vinnapetiti sace kahapanassa sappi abhatam hoti imina mulena digunam telam labbhati tenapi ca idam kiccam niccam nippajjati tasma telam aharati evam anisamsam dassetva vinnapetiti. Sesam uttanameva. Chassamutthanam kiriyakiriyam nosannavimokkham acittakam pannattivajjam kayakammam vacikammam ticittam tivedananti. Catutthasikkhapadam. {753} Pancame. Sikkhamaneti idam kira sa kuladhita ayam addha evam vutta idam telam thapetva sappimpi me attano kulaghara aharissatiti mannamana aha. Cetapetvati janapetva icceva attho. Sesam sabbam catutthasadisamevati. Pancamasikkhapadam. {758} Chatthe. Chandakanti idam nama dhammakiccam karissama yam sakukotha tam dethati evam paresam chandam ca rucim ca uppadetva

The Pali Atthakatha in Roman Character Volume 2 Page 530. http://84000.org/tipitaka/read/attha_page.php?book=2&page=530&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11155&modeTY=2&pagebreak=1 http://84000.org/tipitaka/atthapali/rm_line.php?B=2&A=11155&modeTY=2&pagebreak=1#p530