บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๒ ภาษาบาลี อักษรไทย วินย.อ. (สมนฺต.๒) หน้าที่ ๕๕๒.
อาทึ กตฺวา สพฺพปฺปโยเคสุ หตฺถวารคณนาย ทุกฺกฏํ ฯ {๙๘๙} กนฺติตสุตฺตนฺติ ทสิกสุตฺตาทึ สงฺฆาเฏตฺวา กนฺตติ ทุกฺกนฺติตํ วา ปฏิกนฺตติ ฯ เสสํ อุตฺตานเมว ฯ เอฬกโลมสมุฏฺฐานํ กิริยา โนสญฺญาวิโมกฺขํ อจิตฺตกํ ปณฺณตฺติวชฺชํ กายกมฺมํ ติจิตฺตํ ติเวทนนฺติ ฯ ตติยํ ฯ {๙๙๒} จตุตฺเถ ฯ ยาคุ วาติอาทีสุ ตณฺฑุลโกฏฺฏนํ อาทึ กตฺวา สพฺพปฺปโยเคสุ ปโยคคณนาย ทุกฺกฏํ ฯ ยาคุภตฺเตสุ ภาชนคณนาย ขาทนียาทีสุ รูปคณนาย ปาจิตฺติยานิ ฯ {๙๙๓} ยาคุปาเนติ มนุสฺเสหิ สงฺฆสฺสตฺถาย กยิรมาเน ยาคุปาเน วา สงฺฆภตฺเต วา เตสํ สหายภาเวน ยงฺกิญฺจิ ปจนฺติยา อนาปตฺติ ฯ เจติยปูชาย สหายิกา หุตฺวา คนฺธาทีนิ ปูเชติ วฏฺฏติ ฯ อตฺตโน เวยฺยาวจฺจกรสฺสาติ สเจปิ มาตาปิตโร อาคจฺฉนฺติ ยงฺกิญฺจิ วีชนึ วา สมฺมุญฺชนีทณฺฑกํ ๑- วา การาเปตฺวา เวยฺยาวจฺจกรฏฺฐาเน ฐเปตฺวาว ยงฺกิญฺจิ ปจิตุํ วฏฺฏติ ฯ เสสํ อุตฺตานเมว ฯ สมุฏฺฐานาทีนิ ตติยสทิสาเนวาติ ฯ จตุตฺถํ ฯ {๙๙๖} ปญฺจเม ฯ อสติ อนฺตราเยติ ทสวิเธ อนฺตราเย อสติ ฯ ธุรํ นิกฺขิปิตฺวา ปจฺฉา วินิจฺฉินนฺตี อาปตฺตึ อาปชฺชิตฺวาว วินิจฺฉินาติ ฯ {๙๙๘} ปริเยสิตฺวา น ลภตีติ สหายิกา ภิกฺขุนิโย น ลภติ ฯ เสสํ อุตฺตานเมว ฯ ธุรนิกฺเขปสมุฏฺฐานํ อกิริยา สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ ปญฺจมํ ฯ @เชิงอรรถ: ๑. สมฺมชฺชนีติ วา สมฺมุญฺชนีติ วา ปาฐทฺวยํ อตฺถโต เอกเมว.เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๕๒. http://84000.org/tipitaka/read/attha_page.php?book=2&page=552&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=11616&modeTY=2&pagebreak=1 http://84000.org/tipitaka/atthapali/th_line.php?B=2&A=11616&modeTY=2&pagebreak=1#p552
จบการแสดงผล หน้าที่ ๕๕๒.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]