บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 560.
Sacittakam lokavajjam kayakammam akusalacittam dukkhavedananti. Navamam. {1116} Dasame. Neva vupakaseyyati na gahetva gaccheyya. Na vupakasapeyyati imam ayye gahetva gacchati annam na anapeyya. Sesamettha uttanameva. Dhuranikkhepasamutthanam akiriya sannavimokkham sacittakam lokavajjam kayakammam vacikammam akusalacittam dukkhavedananti. Dasamasikkhapadam. Gabbhinivaggo sattamo. {1119} Kumaribhutavaggassa pathamadutiyatatiyasikkhapadani tihi gihigatasikkhapadehi sadisaneva. Ya pana ta sabbapathama dve mahasikkhamana ta atikkantavisavassati veditabba ta gihigata va hontu agihigata va sikkhamana icceva vattabba. Gihigatati va kumaribhutati va na vattabba. Gihigataya dasavassakale sikkhasammatim datva dvadasavassakale upasampada katabba. Ekadasavassakale datva terasavassakale katabba. Dvadasaterasa- cuddasapannarasasolasasattarasaattharasavassakale sammatim datva visativassakale upasampada katabba. Attharasavassakalato patthaya ca panayam gihigatatipi kumaribhutatipi vattum vattati. Kumaribhuta pana gihigatati na vattabba. Kumaribhuta icceva vattabba. Mahasikkhamana pana gihigatatipi vattum na vattati.The Pali Atthakatha in Roman Character Volume 2 Page 560. http://84000.org/tipitaka/read/attha_page.php?book=2&page=560&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11784&modeTY=2&pagebreak=1 http://84000.org/tipitaka/atthapali/rm_line.php?B=2&A=11784&modeTY=2&pagebreak=1#p560
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]