อรรถกถาเล่มที่ ๒๖ หน้าที่ ๓๑๔.

ปน สห พฺยติ ปวตฺตติ วสตีติ วา สหโพฺย, สหฏฺายี สหวาสี วา ตสฺส ภาโว สหพฺยตา. อติโรจตีติ อติกฺกมฺม อภิภวิตฺวา วา โรจติ วิโรจติ. วณฺเณนาติ รูปสมฺปตฺติยา. ยสสาติ ปริวาเรน. โส หิ อสุจิมกฺขิกํ ชชฺชรํ มตฺติกภาชนํ ฉฑฺเฑตฺวา อเนกรตนวิจิตฺตํ ปภสฺสรรํสิชาลวินทฺธํ สุทฺธชมฺพุนทภาชนํ คณฺหนฺโต วิย วุตฺตปฺปการํ กเฬวรํ อิธ นิกฺขิปิตฺวา เอกจิตฺตกฺขเณน ยถาวุตฺตํ ทิพฺพตฺตภาวํ มหตา ปริวาเรน สทฺธึ ปฏิลภีติ. เอตมตฺถํ วิทิตฺวาติ เอตํ ปาปานํ อปริวชฺชนํ อาทีนวํ, ปริวชฺชเน จ อานิสํสํ สพฺพาการโต วิทิตวา ตทตฺถวิภาวนํ อิมํ อุทานํ อุทาเนสิ. ตสฺสายํ สงฺเขปตฺโถ:- ยถา จกฺขุมา ปุริโส ปรกฺกเม กายิกวีริเย วิชฺชมาเน สรีเร วหนฺเต วิสมานิ ปปาตาทีนิ านานิ จณฺฑภาเวน วา วิสมานิ หตฺถิอสฺสอหิกุกฺกุรโครูปาทีนิ ปริวชฺชเย, เอวํ ชีวโลกสฺมึ อิมสฺมึ สตฺตโลเก ปณฺฑิโต สปฺปญฺโ ปุริโส ตาย สปฺปญฺตาย อตฺตโน หิตํ ชานนฺโต ปาปานิ ลามกานิ ทุจฺจริตานิ ปริวชฺเชยฺย. เอวํ หิ ยถายํ สุปฺปพุทฺโธ ตครสิขิมฺหิ ปจฺเจกพุทฺเธ ปาปํ อปริวชฺเชตฺวา มหนฺตํ อนยพฺยสนํ อาปชฺชิ, เอวํ น อาปชฺเชยฺยาติ อธิปฺปาโย. ยถา สุปฺปพุทฺโธ กุฏฺี มม ธมฺมเทสนํ อาคมฺม อิทานิ สํเวคปฺปตฺโต ปาปานิ ปริวชฺเชนโต อุฬารํ วิเสสํ อธิคญฺฉิ, เอวํ อญฺโปิ อุฬารํ วิเสสาธิคมํ อิจฺฉนฺโต ปาปานิ ปริวชฺเชยฺยาติ อธิปฺปาโย. ตติยสุตฺตวณฺณนา นิฏฺิตา. ------------ ๔. กุมารกสุตฺตวณฺณนา [๔๔] จตุตฺเถ กุมารกาติ ตรุณปุคฺคลา. เย สุภาสิตทุพฺภาสิตสฺส อตฺถํ ชานนฺติ, เต อิธ กุมารกาติ อธิปฺเปตา. อิเม หิ สตฺตา ชาตทิวสโต ปฏฺาย ยาว ปญฺจทสวสฺสา, ตาว "กุมารกา, พาลาติ จ วุจฺจนฺติ, ตโต ปรํ วีสติวสฺสานิ

เนื้อความอรรถกถาฉบับภาษาบาลี อักษรไทย เล่มที่ ๒๖ หน้าที่ ๓๑๔. http://84000.org/tipitaka/read/attha_page.php?book=26&page=314&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=26&A=7026&pagebreak=1 http://84000.org/tipitaka/atthapali/th_line.php?B=26&A=7026&pagebreak=1#p314