บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 27 : PALI ROMAN Iti.A. (paramatthadī.) Page 119.
Diṭṭhiyā samannāgato āsayavipanno hoti, evaṃ payogāsayavipanno puggalo nirayūpago hotiyeva. Tena vuttaṃ "imehi kho bhikkhave dvīhi dhammehi samannāgato puggalo yathābhataṃ nikkhitto, evaṃ niraye"ti. Ettha ca "dvīhi dhammehi samannāgato"ti idaṃ lakkhaṇavacanaṃ daṭṭhabbaṃ, na tantiniddeso, yathātaṃ loke "yadi me byādhitā siyuṃ, imesaṃ idaṃ bhesajjaṃ dātabban"ti. Aññesupi īdisesu ṭhānesu eseva nayo. Duppaññoti nippañño. Pañcamasuttavaṇṇanā niṭṭhitā. ---------------- 6. Dutiyasīlasuttavaṇṇanā [33] Chaṭṭhe bhaddakena ca sīlenāti kāyasucaritādicatupārisuddhisīlena. Taṃ hi akhaṇḍādisīlabhāvena sayañca kalyāṇaṃ, samathavipassanādikalyāṇaguṇāvahañcāti "bhaddakan"ti vuccati. Bhaddikāya ca diṭṭhiyāti kammassakatañāṇena ceva kammapathasammādiṭṭhiyā ca. Tattha bhaddakena sīlena payogasampanno hoti, bhaddikāya diṭṭhiyā āsayasampanno hoti. Iti payogāsayasampanno puggalo saggūpago hoti. Tena vuttaṃ "imehi kho bhikkhave dvīhi dhammehi samannāgato puggalo yathābhataṃ nikkhitto, evaṃ sagge"ti. Sappaññoti paññavā. Sesaṃ suviññeyyameva. Chaṭṭhasuttavaṇṇanā niṭṭhitā. -------------- 7. Ātāpīsuttavaṇṇanā [34] Sattame anātāpīti kilesānaṃ ātāpanaṭṭhena ātāpo, vīriyaṃ, so etassa atthīti ātāpī, na ātāpī anātāpī, sammappadhānavirahito kusītotiThe Pali Atthakatha in Roman Character Volume 27 Page 119. http://84000.org/tipitaka/read/attha_page.php?book=27&page=119&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=27&A=2596&pagebreak=1 http://84000.org/tipitaka/atthapali/rm_line.php?B=27&A=2596&pagebreak=1#p119
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]