บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 27 : PALI ROMAN Iti.A. (paramatthadī.) Page 372.
Khaye khayakare ariyamagge ñāṇaṃ. "khīṇā saṃyojanā iti ñāṇan"ti idhāpi ānetvā sambandhitabbaṃ. Tena pahīnakilesapaccavekkhaṇaṃ dasseti. Evamettha cattāripi paccavekkhaṇañāṇāni vuttāni honti. Avasiṭṭhakilesapaccavekkhaṇā hi idha natthi arahattaphalādhigamassa adhippetattā. Yathā cettha jānato passatoti nibbānādhigamena sammādiṭṭhikiccaṃ adhikaṃ katvā vuttaṃ, evaṃ sammappadhānakiccampi adhikameva icchitabbanti dassento "na tvevidaṃ kusītenā"ti osānagāthamāha. Tattha na tvevidanti na tu eva idaṃ. Tusaddo nipātamattaṃ. Bālenamavijānatāti makāro padasandhikaro. Ayañhettha saṅkhepattho:- idaṃ sekkhamaggena asekkhamaggena ca. Pattabbaṃ abhijjhākāyaganthādisabbaganthānaṃ pamocanaṃ pamocanassa nimittabhūtaṃ nibbānaṃ "idaṃ dukkhan"tiādinā cattāri saccāni yathābhūtaṃ avijānatā tato eva bālena aviddasunā yathā adhigantuṃ na sakkā, evaṃ kusītena nibbīriyenāpi, tasmā tadadhigamāya āraddhavīriyena bhavitabbanti. Tenāha bhagavā "āraddhavīriyassāyaṃ dhammo, no kusītassa ". 1- "ārambhatha nikkamatha yuñjatha buddhasāsane dhunātha maccuno senaṃ naḷāgāraṃva kuñjaro"ti. 2- Tatiyasuttavaṇṇanā niṭṭhitā. ------------ 4. Samaṇabrāhmaṇasuttavaṇṇanā [103] Catutthe yehi kecīti ye keci. Idaṃ dukakhanti yathābhūtaṃ nappajānantīti "idaṃ dukkhaṃ, ettakaṃ dukkhaṃ, na ito bhiyyo"ti aviparītaṃ sabhāvasarasalakkhaṇato @Footnote: 1 dī.pā. 11/358/269 2 saṃ.sa. 15/185/188The Pali Atthakatha in Roman Character Volume 27 Page 372. http://84000.org/tipitaka/read/attha_page.php?book=27&page=372&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=27&A=8244&pagebreak=1 http://84000.org/tipitaka/atthapali/rm_line.php?B=27&A=8244&pagebreak=1#p372
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]