Vuddhim virulhim vepullam apajjantiti siladigunehi vaddhanavasena vuddhim,
tattha niccalabhavena virulhim, sabbattha patthatabhavena siladidhammakkhandhaparipuriya
vepullam. Na ca te kuhadisabhava bhikkhu apajjanti, na ca papunantiti attho.
Te kho me bhikkhave bhikkhu mamakati idhapi meti attanam uddissa pabbajitatta
vadati, 1- sammapatipannatta pana "mamaka"ti aha. Vuttavipariyayena sukkapakkho
veditabbo. Tattha yava arahattamagga viruhanti nama, arahattaphale pana sampatte
virulhim vepullam apanna nama. Gatha suvinneyya eva.
Navamasuttavannana nitthita.
-------------
10. Nadisotasuttavannana
[109] Dasame seyyathapiti opammadassanatthe nipato, yatha namati
attho. Nadiya sotena ovuyheyyati sighasotaya harahariniya nadiya udakavegena
hetthato vuyheyya adho hariyetha. Piyarupasatarupenati piyasabhavena satasabhavena
ca karanabhutena, tassam nadiyam tassa va paratire manisuvannadi annam va
piyavatthu vittupakaranam atthi, tam gahessamiti nadiyam patitva sotena avakaddheyya.
Kincapiti anujananaasambhavanatthe nipato. Kim anujanati, kim na sambhaveti?
Tena purisena adhippetassa piyavatthuno tattha atthibhavam anujanati, tatha gamanam
pana adinavavantataya na sambhaveti. Idam vuttam hoti? ambho purisa yadipi
taya adhippetam piyavatthu tattha upalabbhati, evam gamane pana ayamadinavo, yam
tvam hettha rahadam patva maranam maranamattam va dukkham papuneyyasiti.
@Footnote: 1 Ma. vuttam
The Pali Atthakatha in Roman Character Volume 27 Page 388.
http://84000.org/tipitaka/read/attha_page.php?book=27&page=388&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=27&A=8602&modeTY=2&pagebreak=1
http://84000.org/tipitaka/atthapali/rm_line.php?B=27&A=8602&modeTY=2&pagebreak=1#p388
