บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 27 : PALI ROMAN Iti.A. (paramatthadi.) Page 80.
Samghabhedena bhinditva. Kappanti ayukappam. So panettha antarakappova. Nirayamhiti avicimahanirayamhi. Atthamasuttavannana nitthita. -------------- 9. Samghasamaggisuttavannana [19] Navame ekadhammoti eko kusaladhammo anavajjadhammo, "ayam dhammo, nayam dhammo"tiadina sace samghe vivado uppajjeyya, tattha dhammakamena vinnuna iti patisancikkhitabbam "thanam kho panetam vijjati, yadidam vivado vaddhamano samgharajiya va samghabhedaya va samvatteyya"ti. Sace tam adhikaranam attana paggahetva thito, aggim akkantena viya sahasa tato oramitabbam. Atha parehi tam paggahitam sayam cetam sakkoti vupasametum, ussahajato hutva durampi gantva tatha patipajjitabbam, yatha tam vupasammati. Sace pana sayam na sakkoti, so ca vivado uparupari vaddhateva, na vupasammati. Ye tattha patirupa sikkhakama sabrahmacarino, te ussahetva yena dhammena yena vinayena yena satthusasanena tam adhikaranam yatha vupasammati, tatha vupasametabbam evam vupasamentassa yo samghasamaggikaro kusalo dhammo, ayamettha ekadhammoti adhippeto. So hi ubhatopakkhiyanam dvelhakajatanam bhikkhunam, tesam anuvattanavasena thitanam bhikkhuninam upasakanam upasikanam tesam arakkhadevatanam yava devabrahmanampi uppajjanaraham ahitam dukkhavaham sankilesadhammam apanetva mahato punnarasissa kusalabhisandassa hetubhavato sadevakassa lokassa hitasukhavaho hoti. Tena vuttam "ekadhammo bhikkhave loke uppajjamano uppajjati bahujanahitaya"tiadi. Tassattho anantarasutte vuttavipariyayena veditabbo. Samghassa samaggiti samghassa samaggabhavo bhedabhavo ekakammata ekuddesata ca.The Pali Atthakatha in Roman Character Volume 27 Page 80. http://84000.org/tipitaka/read/attha_page.php?book=27&page=80&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=27&A=1741&modeTY=2&pagebreak=1 http://84000.org/tipitaka/atthapali/rm_line.php?B=27&A=1741&modeTY=2&pagebreak=1#p80
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]