ATTHAKATHA Book 29 : PALI ROMAN
Sutta.A.2 (paramattha.2)
Page 438.

Parattabhavasakattabhavadini parani ca orani cati vuttam hoti. Vidhumoti
kayaduccaritadidhumavirahito. Anighoti ragaighadivirahito. Atari soti so evarupo
araha jatijaram atari. Sesamettha pakatameva.
      Evam bhagava imampi suttam arahattanikuteneva desesi, desanapariyosane
ayampi brahmano arahatte patitthasi saddhim antevasisahassena, annesanca
anekasatanam 1- dhammacakkhum udapadi. Sesam vuttasadisamevati.
                     Paramatthajotikaya khuddakatthakathaya
                          suttanipatatthakathaya
                       punnakasuttavannana nitthita.
                       -------------------
                        4. Mettagusuttavannana
      [1056] Pucchami tanti mettagusuttam. Tattha mannami tam vedagum
bhavitattanti "ayam vedagu"ti ca "bhavitatto"ti ca evam tam mannami.
      [1057] Apucchasiti ettha ca aiti padapuranamatte nipato, pucchasiccevattho.
Pavakkhami yatha pajananti yatha pajananto acikkhati, evam acikkhissami. 2-
Upadhinidana pabhavanti dukkhati tanhadiupadhinidana jatiadidukkhavisesa pabhavanti.
      [1058] Evam upadhinidanato pabhavantesu dukkhesu:- yo ve 3- avidvati
gatha. Tattha pajananti sankhare aniccadivasena jananto. Dukkhassa
jatippabhavanupassiti vattadukkhassa jatikaranam "upadhi"ti anupassanto.
      [1059] Sokapariddavancati sokanca paridevanca. Tatha hi te vidito
esa dhammoti yatha yatha satta jananti, tatha tatha pannapanavasena 4-
vidito esa taya 5- dhammoti.
@Footnote: 1 ka. anekasahassanam  2 ka. akkhami  3 ka. ce
@4 ka. nanabaladivasena  5 cha.Ma. ayam patho na dissati


The Pali Atthakatha in Roman Character Volume 29 Page 438.
http://84000.org/tipitaka/read/attha_page.php?book=29&page=438&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=29&A=9851&modeTY=2&pagebreak=1
http://84000.org/tipitaka/atthapali/rm_line.php?B=29&A=9851&modeTY=2&pagebreak=1#p438