อรรถกถาเล่มที่ ๒๙ หน้าที่ ๔๓๙.

[๑๐๖๐-๖๑] กิตฺตยิสฺสามิ เต ธมฺมนฺติ นิพฺพานธมฺมํ นิพฺพานคามินิปฏิปทา- ธมฺมญฺจ เต เทสยิสฺสามิ. ทิฏฺเ ธมฺเมติ ทิฏฺเ ทุกฺขาทิธมฺเม, อิมสฺมึเยว วา อตฺตภาเว. อนีติหนฺติ อตฺตปจฺจกฺขํ. ยํ วิทิตฺวาติ ยํ ธมฺมํ "สพฺเพ สงฺขารา อนิจฺจา"ติอาทินา นเยน สมฺมสนฺโต วิทิตฺวา. ตญฺจาหํ อภินนฺทามีติ ตํ วุตฺตปฺปการธมฺมโชตกํ ตํ วา วจนํ อภิปตฺถยามิ. ^๑- ธมฺมมุตฺตมนฺติ ตว ^๒- ธมฺมมุตฺตมํ อภินนฺทามีติ. [๑๐๖๒] อุทฺธํ อโธ จ ติริยญฺจาปิ มชฺเฌติ เอตฺถ อุทฺธนฺติ อนาคตทฺธา วุจฺจติ, อโธติ อตีตทฺธา, ติริยญฺจาปิ มชฺเฌติ ปจฺจุปฺปนฺนทฺธา. เอเตสุ นนฺทิญฺจ นิเวสนญฺจ, ปนุชฺช วิญฺาณนฺติ เอเตสุ อทฺธาทีสุ ตณฺหญฺจ ทิฏฺินิเวสนญฺจ อภิสงฺขารวิญฺาณญฺจ ปนุเทหิ, ปนุทิตฺวา จ ภเว น ติฏฺเ, เอวํ สนฺเต ทุวิเธปิ ภเว น ติฏฺเยฺย. เอวํ ตาว ปนุชฺชสทฺทสฺส ปนุเทหีติ อิมสฺมึ อตฺถวิกปฺเป สมฺพนฺโธ. ปนุทิตฺวาติ เอตสฺมึ ปน อตฺถวิกปฺเป ภเว น ติฏฺเติ อยเมว สมฺพนฺโธ, เอตานิ นนฺทินิเวสนวิญฺาณานิ ปนุทิตฺวา ทุวิเธปิ ภเว น ติฏฺเยฺยาติ วุตฺตํ โหติ. [๑๐๖๓-๔] เอตานิ วิโนเทตฺวา ภเว อติฏฺนฺโต เอโส:- เอวํวิหารีติ คาถา. ตตฺถ อิเธวาติ อิมสฺมึเยว สาสเน, อิมสฺมึเยว วา อตฺตภาเว. สุกิตฺติกํ โคตมนูปธีกนฺติ เอตฺถ อนุปธิกนฺติ นิพฺพานํ, ตํ สนฺธาย ภควนฺตํ อาลปนฺโต อาห "สุกิตฺติตํ โคตมนูปธีกนฺ"ติ. [๑๐๖๕] น เกวลํ ทุกฺขเมว ปหาสิ:- เต จาปีติ คาถา. ตตฺถ อฏฺิตนฺติ สกฺกจฺจํ, อาทรํ ^๓- วา. ตํ ตํ นมสฺสามีติ ตสฺมา ตํ นมสฺสามิ. สเมจฺจาติ อุปคนฺตฺวา. นาคาติ ภควนฺตํ อาลปนฺโต อาห. @เชิงอรรถ: ^๑ ก. วุตฺตปฺปการํ ธมฺมชาตํ ตํ วา วจนํ อภิปฏฺยามิ ^๒ ฉ.ม.,อิ. ตญฺจ @^๓ ฉ.ม.,อิ. สทา

เนื้อความอรรถกถาฉบับภาษาบาลี อักษรไทย เล่มที่ ๒๙ หน้าที่ ๔๓๙. http://84000.org/tipitaka/read/attha_page.php?book=29&page=439&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=29&A=9875&pagebreak=1 http://84000.org/tipitaka/atthapali/th_line.php?B=29&A=9875&pagebreak=1#p439