romanATTHA book 3 Page 144.

Dve va patimokkham uddisanti adhammena samaggam nama hoti. Sace catusu janesu ekassa parisudadhim aharitva tayo parisuddhi- uposatham karonti tisu va janesu ekassa parisuddhim aharitva dve parisuddhiuposatham karonti dhammena vaggam nama hoti. Sace pana cattaro ekattha vasanta sabbeva sannipatitva patimokkham uddisanti tayo parisuddhiuposatham karonti dve annamannam parisuddhiuposatham karonti dhammena samaggam nama hotiti. {150} Nidanam uddisitva avasesam sutena savetabbanti sunatu me bhante sangho .pe. Avikata hissa phasu hotiti imam nidanam uddisitva uddittham kho ayasmanto nidanam tatthayasmante pucchami kaccittha parisuddha dutiyampi pucchami .pe. Evametam dharayamiti vatva suta kho panayasmantehi cattaro parajika dhamma .pe. Avivadamanehi sikkhitabbanti evam avasesam sutena savetabbam. Etena nayena sesa cattaro patimokkhuddesa veditabba. Sancarabhayanti atavimanussabhayam. Rajantarayoti- adisu sace bhikkhusu uposatham karissamati nisinnesu raja agacchati ayam rajantarayo. Cora agacchanti ayam corantarayo. Davadaho va agacchati avase va aggi utthahati ayam agyantarayo. Megho va utthahati ogho va agacchati ayam udakantarayo. Bahu manussa agacchanti ayam manussantarayo. Bhikkhum yakkho ganhati ayam amanussantarayo.

The Pali Atthakatha in Roman Character Volume 3 Page 144. http://84000.org/tipitaka/read/attha_page.php?book=3&page=144&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=2988&modeTY=2&pagebreak=1 http://84000.org/tipitaka/atthapali/rm_line.php?B=3&A=2988&modeTY=2&pagebreak=1#p144