romanATTHA book 3 Page 183.

Kamalapadukati kamalavannam nama tinam atthi tena katapaduka usirapadukatipi vadanti. Kambalapadukati unnahi katapaduka. Asankamaniyayoti bhumiyam suppatitthita niccala asamhariya. {252} Angajatam chupantiti angajateneva angajatam chupanti. {253} Ogahetva marentiti antoudake dalham gahetva marenti. Itthiyuttenati dhenuyuttena. Purisantarenati purisasarathina. Purisayuttenati gonayuttena. Itthantarenati itthisarathina. Gangamahiyayati gangamahikilika. Purisayuttam hatthavattakanti ettha purisayuttam itthisarathi va hotu purisasarathi va vattati. Hatthavattakampana itthiyo va vattentu purisa va vattatiyeva. Yanugghatenati yanapatighamsassa sabbo kayo calati tappaccaya rujjati. Sivikanti pithakasivikam. Patankinti vamse laggetva katam patapottalikam. {254} Uccasayanamahasayananiti ettha uccasayananti pamanatikkantam mancam. Mahasayananti akappiyapaccattharanam. Asandiadisu asanditi pamanatikkantasanam. Pallankoti padesu (va) valarupani thapetva kato. Gonakoti dighalomako mahakojavo. Caturanguladhikani kira tassa lomani. Cittakoti valacitta- unnamayattharako ^1-. Patikati unnamayo setattharako. Patalikati ghanapupphako unnamayattharako yonakadamilapatoti vuccati. Tulikati pakatitulikayeva. Vikatikati sihabyagghadirupavicitto unnamayattharako. @Footnote: ^1. yebhuyyena pana vanacitta...iti dissati.

The Pali Atthakatha in Roman Character Volume 3 Page 183. http://84000.org/tipitaka/read/attha_page.php?book=3&page=183&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=3766&modeTY=2&pagebreak=1 http://84000.org/tipitaka/atthapali/rm_line.php?B=3&A=3766&modeTY=2&pagebreak=1#p183