อรรถกถาเล่มที่ ๓ หน้าที่ ๒๓๕.

น กาตพฺพนฺติ เอวเมตฺถ จีวรสฺส อปฺปโหนกภาโว จีวรวิกลกํ ฯ ฉินฺทิตฺวา ทินฺเน ปน ตํ โตสิตํ โหติ อถ กุสปาโต กาตพฺโพ สเจปิ เอกสฺส ภิกฺขุโน โกฏฺาเส เอกํ วา เทฺว วา วตฺถานิ นปฺปโหนฺติ ตตฺถ อญฺ สมณปริกฺขารํ เปตฺวา โย เตน ตุสฺสติ ตสฺส ตํ ภาคํ ทตฺวา ปจฺฉา กุสปาโต กาตพฺโพ อิทํปิ จีวรวิกลกนฺติ อนฺธกฏฺกถายํ วุตฺตํ ฯ ปุคฺคลวิกลกํ นาม ทส ทส ภิกฺขู คเณตฺวา วคฺคํ กโรนฺตานํ เอโก วคฺโค น ปูรติ อฏฺ วา นว วา โหติ เตสํ อฏฺ วา นว วา โกฏฺาสา ตุมฺเห อิเม ภาเค คเณตฺวา วิสุํ ภาเชถาติ ทาตพฺพา เอวมยํ ปุคฺคลานํ อปฺปโหนกภาโว ปุคฺคลวิกลกํ ฯ วิสุํ ทินฺเน ปน ตํ โตสิตํ โหติ เอวํ โตเสตฺวา กุสปาโต กาตพฺโพติ ฯ อถวา วิกลเก โตเสตฺวาติ โย จีวรภาโค อูนโก ตํ อญฺเน ปริกฺขาเรน สมํ กตฺวา กุสปาโต กาตพฺโพ ฯ {๓๔๔} ฉกเนนาติ โคมเยน ฯ ปณฺฑุมตฺติกายาติ ตมฺพมตฺติกาย ฯ มูลรชนาทีสุ หลิทฺทํ เปตฺวา สพฺพํ มูลรชนํ วฏฺฏติ ฯ มญฺเชฏฺญฺจ ตุงฺคหารญฺจ เปตฺวา สพฺพํ ขนฺธรชนํ วฏฺฏติ ฯ ตุงฺคหาโร นาม เอโก กณฺฏกรุกฺโข ตสฺส หริตาลวณฺณํ ขนฺธรชนํ โหติ ฯ โลทฺทญฺจ กณฺฑลญฺจ เปตฺวา สพฺพํ ตจรชนํ วฏฺฏติ ฯ อลฺลิปตฺตญฺจ นิลิปตฺตญฺจ เปตฺวา สพฺพํ ปตฺตรชนํ วฏฺฏติ ฯ คิหิปริภุตฺตํ ปน อลฺลิปตฺเตน เอกวารํ รชิตุํ วฏฺฏติ ฯ กึสุกปุปฺผญฺจ กุสุมฺภปุปฺผญฺจ เปตฺวา สพฺพํ ปุปฺผรชนํ วฏฺฏติ ฯ ผลรชเน

เนื้อความอรรถกถาฉบับภาษาบาลี อักษรไทย เล่มที่ ๓ หน้าที่ ๒๓๕. http://84000.org/tipitaka/read/attha_page.php?book=3&page=235&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=3&A=4833&pagebreak=1 http://84000.org/tipitaka/atthapali/th_line.php?B=3&A=4833&pagebreak=1#p235