romanATTHA book 3 Page 26.

Evam saranadanam viya sikkhapadadanampi vuttam. Tampi neva paliya na atthakathasu atthi tasma yathapaliyava uddisitabbani. Pabbajja hi saranagamaneheva siddha. Sikkhapadani pana kevalam sikkhaparipuranattham janitabbani tasma tani paliyam agatanayena uggahetum asakkontassa yaya kayaci bhasaya atthavasenapi acikkhitum vattati. Yava pana attana sikkhitabbasikkhapadani na janati sanghatipattacivaradharanathananisajjadisu panabhojanadividhimhi ca na kusalo hoti tava bhojanasalam va salakabhajanatthanam va annam va tatharupatthanam na pesetabbo. Santikavacaroyeva katabbo baladarako viya patijaggitabbo. Sabbamassa kappiyakappiyam acikkhitabbam nivasanaparupanadisu abhisamacarikesu vinetabbo. Tenapi anujanami bhikkhave dasahangehi samannagatam samaneram nasetunti evam parato vuttani dasa nasanangani araka parivajjetva abhisamacarikam paripurentena dasavidhe sile sadhukam sikkhitabbanti. Pabbajjavinicchayo nitthito. {35} Mayham kho bhikkhaveti maya khoti attho. Athava mayham yoniso manasikaroti yo mayham yoniso manasikaro tena hetunati attho. Puna anuppattati ettha vibhattim parinametva mayati vattabbam. {36} Bhaddavaggiyati te kira rajakumara rupena ca cittena ca bhaddaka vaggabandheneva vicaranti tasma bhaddavaggiyati vuccanti.

The Pali Atthakatha in Roman Character Volume 3 Page 26. http://84000.org/tipitaka/read/attha_page.php?book=3&page=26&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=526&modeTY=2&pagebreak=1 http://84000.org/tipitaka/atthapali/rm_line.php?B=3&A=526&modeTY=2&pagebreak=1#p26