romanATTHA book 3 Page 361.

Kurundiyam vuttam. {310} Pitthito pitthito gantvati thero kira gilane patijagganto jinne vuddhe sanganhanto sabbapacchato agacchati. Idamassa carittam. Tena vuttam pitthito pitthito gantvati. Aggasananti therasanam. Aggodakanti dakkhinodakam. Aggapindanti sanghattherapindam. {315} Patitthapesiti attharasakotipariccagam katva patitthapesi. Evam sabbapi catupannasakotiyo pariccaji. {316} Vippakatabhojaneti antaraghare va vihare va aranne va yattha katthaci bhunjamano bhikkhu anitthite bhojane na vutthapetabbo. Antaraghare paccha agatena bhikkham gahetva sabhagatthanam gantabbam. Sace manussa va bhikkhu va pavisathati vadanti mayi pavisante bhikkhu utthahissantiti vattabbam. Ettha bhante asanam atthiti vuttena pavisitabbam. Sace koci kinci na vadati asanasalaya gantva atisamipam agantva sabhagatthane thatabbam okase kate pavisathati vuttena pavisitabbam. Sace pana yam asanam tassa papunati tattha abhunjanto bhikkhu nisinno hoti tam utthapetum vattati. Yagukhajjakadisu pana yankinci pivitva va khaditva va yava anno agacchati tava nisinnam rittahatthampi utthapetum na vattati vippakatabhojanoyeva hi so hoti. Sace vutthapetiti sace sancicca apattim atikkamitvapi vutthapetiyeva. Pavarito ca

The Pali Atthakatha in Roman Character Volume 3 Page 361. http://84000.org/tipitaka/read/attha_page.php?book=3&page=361&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=7397&modeTY=2&pagebreak=1 http://84000.org/tipitaka/atthapali/rm_line.php?B=3&A=7397&modeTY=2&pagebreak=1#p361