บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 3 : PALI ROMAN Vinaya.A. (samanta.3) Page 631.
Thanappabhedagamananca dassetva idani tesam kammanam karakassa sanghassa paricchedam dassento puna catuvaggakarane kammetiadimaha. Tassattho parisato kammavipattivannanayam vuttanayeneva veditabboti. Kammavaggavannana nitthita. {498} Idani yani tani tesam kammanam vatthubhutani sikkhapadani tesam pannattiyam anisamsam dassetum dve atthavase paticcatiadi- maraddham. Tattha ditthadhammikanam asavanam samvarayati panatipatadinam pancannam ditthadhammikaveranam samvaratthaya pidahanatthaya. Samparayikanam asavanam patighatayati vipakadukkhasankhatanam samparayikaveranam patighatatthaya samucchedatthaya anuppajjanatthaya. Ditthadhammikanam veranam samvarayati tesamyeva pancannam veranam samvaratthaya. Samparayikanam verananti tesamyeva vipakadukkhanam. Ditthadhammikanam vajjanam samvarayati tesamyeva pancannam veranam samvaratthaya. Samparayikanam vajjananti tesamyeva vipakadukkhanam. Vipakadukkhaneva hi idha vajjaniyabhavato vajjaniti vuttani. Ditthadhammikanam bhayananti garaha upavado tajjaniyadini kammani uposathapavarananam thapanam akittipakasaniyakammanti etani ditthadhammikabhayani nama etesam samvaratthaya. Samparayikabhayani pana vipakadukkhaniyeva tesam patighatatthaya. Ditthadhammikanam akusalananti pancaveradasakusala- kammapathappabhedanam akusalanam samvaratthaya. Vipakadukkhaneva pana akkhematthena samparayikaakusalaniti vuccanti tesam patighatatthaya.The Pali Atthakatha in Roman Character Volume 3 Page 631. http://84000.org/tipitaka/read/attha_page.php?book=3&page=631&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=12807&modeTY=2&pagebreak=1 http://84000.org/tipitaka/atthapali/rm_line.php?B=3&A=12807&modeTY=2&pagebreak=1#p631
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]