บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 3 : PALI ROMAN Vinaya.A. (samanta.3) Page 71.
{103} Oganenati parihinaganena appamattakena bhikkhusanghenati attho. Abyattena yavajivanti ettha sacayam vuddhataram acariyam na labhati upasampadaya satthivasso va sattativasso va hoti navakatarassapi byattassa santike ukkutikam nisiditva anjalim paggahetva acariyo me avuso hohi ayasmato nissaya vacchamiti evam tikkhattum vatva nissayo gahetabbova. Gamappavesanam apucchantenapi ukkutikam nisiditva anjalim paggahetva gamappavesanam apucchami acariyati vattabbam. Esa nayo sabbattha apucchanesu. Pancakachakkesu cettha yattakam suttam nissayamuttakassa icchitabbam tam bhikkhunovadakavannanayam vuttam. Tassa natthitaya ca appassuto atthitaya ca bahussutoti veditabbo. Sesam vuttanayameva. {105} Yena kapilavatthu tena carikam pakkamiti ettha ayam anupubbi- katha suddhodanamaharaja kira bodhisattassa abhinikkhamanadivasato patthaya mama putto buddho bhavissamiti nikkhanto jato nukho buddho noti pavattisavanattham ohitasotova viharati. Lo bhagavato padhanacariyanca sambodhinca dhammacakkappavattanadini ca sunanto idani kira me putto rajagaham upanissaya viharatiti sutva ekam amaccam anapesi aham tata vuddho mahallako sadhu me jivantasseva puttam dassehiti. So sadhuti patissunitva purisasahassaparivaro rajagaham gantva bhagavato pade vanditva nisidi. Athassa bhagava dhammakatham kathesi. So pasiditva pabbajjanceva upasampadancaThe Pali Atthakatha in Roman Character Volume 3 Page 71. http://84000.org/tipitaka/read/attha_page.php?book=3&page=71&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=1472&modeTY=2&pagebreak=1 http://84000.org/tipitaka/atthapali/rm_line.php?B=3&A=1472&modeTY=2&pagebreak=1#p71
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]