romanATTHA book 30 Page 126.

[224] Uposathaṃ upavasissaṃ sadā sīlesu saṃvutā saññamā saṃvibhāgā ca vimānaṃ āvasāmahaṃ. [225] Pāṇātipātā viratā musāvādā ca saññatā theyyā ca aticārā ca majjapānā ca ārakā. [226] Pañcasikkhāpade ratā ariyasaccāna kovidā upāsikā cakkhumato gotamassa yasassino. [227] Tena me'tādiso vaṇṇo tena me idha mijjhati uppajjanti ca me bhogā ye keci manaso piyā. [228] Akkhāmi te bhikkhu mahānubhāva manussabhūtā yamakāsi puññaṃ tenamhi evañjalitānubhāvā vaṇṇo ca me sabbadisā pabhāsatī"ti devatā byākāsi. Taṃ sabbaṃ heṭṭhā vuttanayameva. Soṇadinnāvimānavaṇṇanā niṭṭhitā. ---------------- 24. 7. Uposathāvimānavaṇṇanā abhikkantena vaṇṇenāti uposathāvimānaṃ. ^1- Tassa kā uppatti ^1-? idha aṭṭhuppattiyaṃ sākete uposathā nāma ekā upāsikāti ayameva viseso, sesaṃ anantaravimānasadisaṃ. Tena vuttaṃ:- @Footnote: ^1-1 cha.Ma. ime pāṭhā na dissanti

The Pali Atthakatha in Roman Character Volume 30 Page 126. http://84000.org/tipitaka/read/attha_page.php?book=30&page=126&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=30&A=2700&pagebreak=1 http://84000.org/tipitaka/atthapali/rm_line.php?B=30&A=2700&pagebreak=1#p126