อรรถกถาเล่มที่ ๓๐ หน้าที่ ๑๓๐.

#[๒๔๓-๔] ตตฺถ กีว จิรนฺติ กิตฺตกํ อทฺธานํ. อิธาติ อิมสฺมึ เทวโลเก, อิธ วา วิมานสฺมึ, อายุโนติ อายุ, โนติ นิปาตมตฺตํ. อายุโน วา จิราจิรภาวํ, อถ วา ยทิ ชานาสิ อายุโนติ อตฺโถ. มหามุนีติ เถรํ อาลปติ. #[๒๔๕] มา ตฺวํ อุโปสเถ ภายีติ ภทฺเท อุโปสเถ ตฺวํ มา ภายิ. กสฺมา? ยสฺมา สมฺพุทฺเธนาสิ พฺยากตา. กินฺติ? โสตาปนฺนา วิเสสยีติ. มคฺคผลสญฺญิตํ วิเสสํ ยาตา อธิคตา, ตสฺมา ปหีนา ตว สพฺพาปิ ทุคฺคตีติ อิมมฺปิ วิเสสํ ยาตาติ วิเสสยิ. เสสํ วุตฺตนยเมว. อุโปสถาวิมานวณฺณนา นิฏฺฐิตา. -------------------- ๒๕. ๘. สุนิทฺทาวิมานวณฺณนา ^๑- อฏฺฐมวิมานํ ราชคหนิทานํ. อฏฺฐุปฺปตฺติยํ ยถากฺกมํ "สุนิทฺทา ^๒- นาม อุปาสิกา ฯเปฯ โคตมสฺส ยสสฺสิโน. เตน เม'ตาทิโส วณฺโณ ฯเปฯ สุนิทฺทา ^๓- นาม อุปาสิกา"ติ วตฺตพฺพํ. เสสํ วุตฺตนยเมว. คาถาสุปิ อปุพฺพํ นตฺถิ. ตถา หิ เอกจฺเจสุ โปตฺถเกสุ ปาฬิ เปยฺยาลวเสน ฐปิตาติ. เตน วุตฺตํ:- [๒๔๖-๘] "อภิกฺกนฺเตน วณฺเณน ฯเปฯ วณฺโณ จ เต สพฺพทิสา ปภาสตีติ. [๒๔๙] สา เทวตา อตฺตมนา ฯเปฯ ยสฺส กมฺมสฺสิทํ ผลํ. @เชิงอรรถ: ^๑ ฉ.ม. ^๘-๙ นิทฺทา-สุนิทฺทาวิมานวณฺณนา ^๒ สี. สทฺธา ^๓ สี. สุนนฺทา

เนื้อความอรรถกถาฉบับภาษาบาลี อักษรไทย เล่มที่ ๓๐ หน้าที่ ๑๓๐. http://84000.org/tipitaka/read/attha_page.php?book=30&page=130&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=30&A=2779&modeTY=2&pagebreak=1 http://84000.org/tipitaka/atthapali/th_line.php?B=30&A=2779&modeTY=2&pagebreak=1#p130