บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 30 : PALI ROMAN Vimāna.A. (paramatthadī.) Page 130.
#[243-4] Tattha kīva ciranti kittakaṃ addhānaṃ. Idhāti imasmiṃ devaloke, idha vā vimānasmiṃ, āyunoti āyu, noti nipātamattaṃ. Āyuno vā cirācirabhāvaṃ, atha vā yadi jānāsi āyunoti attho. Mahāmunīti theraṃ ālapati. #[245] Mā tvaṃ uposathe bhāyīti bhadde uposathe tvaṃ mā bhāyi. Kasmā? yasmā sambuddhenāsi byākatā. Kinti? sotāpannā visesayīti. Maggaphalasaññitaṃ visesaṃ yātā adhigatā, tasmā pahīnā tava sabbāpi duggatīti imampi visesaṃ yātāti visesayi. Sesaṃ vuttanayameva. Uposathāvimānavaṇṇanā niṭṭhitā. -------------------- 25. 8. Suniddāvimānavaṇṇanā 1- aṭṭhamavimānaṃ rājagahanidānaṃ. Aṭṭhuppattiyaṃ yathākkamaṃ "suniddā 2- nāma upāsikā .pe. Gotamassa yasassino. Tena me'tādiso vaṇṇo .pe. Suniddā 3- nāma upāsikā"ti vattabbaṃ. Sesaṃ vuttanayameva. Gāthāsupi apubbaṃ natthi. Tathā hi ekaccesu potthakesu pāḷi peyyālavasena ṭhapitāti. Tena vuttaṃ:- [246-8] "abhikkantena vaṇṇena .pe. Vaṇṇo ca te sabbadisā pabhāsatīti. [249] Sā devatā attamanā .pe. Yassa kammassidaṃ phalaṃ. @Footnote: 1 cha.Ma. 8-9 niddā-suniddāvimānavaṇṇanā 2 Sī. saddhā 3 Sī. sunandāThe Pali Atthakatha in Roman Character Volume 30 Page 130. http://84000.org/tipitaka/read/attha_page.php?book=30&page=130&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=30&A=2779&pagebreak=1 http://84000.org/tipitaka/atthapali/rm_line.php?B=30&A=2779&pagebreak=1#p130
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]