อรรถกถาเล่มที่ ๓๐ ภาษาบาลี อักษรไทย
วิมาน.อ. (ปรมตฺถที.)
หน้าที่ ๓๐.

โทสกาลุสฺสิยาภาเวน "วิปฺปสนฺนนฺ"ติ, โมหพฺยากุลาภาเวน "อนาวิลนฺ"ติ. เอวํภูโต
ปรมตฺถโต ภิกฺขุ นาม โหตีติ "ภิกฺขุนฺ"ติ วุตฺตํ. อทาสหนฺติ อทาสึ อหํ. ปีฐนฺติ
ตทา มม สนฺติเก วิชฺชมานํ ภทฺทปีฐํ. ปสนฺนาติ กมฺมผลสทฺธาย รตนตฺตย-
สทฺธาย จ ปสนฺนจิตฺตา. เสหิ ปาณิภีติ อญฺญํ อนาณาเปตฺวา อตฺตโน หตฺเถหิ
อุปนียปีฐํ ปญฺญาเปตฺวา อทาสินฺติ อตฺโถ.
     เอตฺถ จ "วิรชํ ภิกฺขุํ วิปฺปสนฺนมนาวิลนฺ"ติ อิมินา เขตฺตสมฺปตฺตึ ทสฺเสติ,
"ปสนฺนา"ติ อิมินา จิตฺตสมฺปตฺตึ, "เสหิ ปาณิภี"ติ อิมินา ปโยคสมฺปตฺตึ. ตถา
"ปสนฺนา"ติ อิมินา สกฺกจฺจทานํ อนุปหจฺจทานนฺติ จ อิเม เทฺว ทานคุณา ทสฺสิตา,
"เสหิ ปาณิภี"ติ อิมินา สหตฺเถน ทานํ อนุปวิทฺธทานนฺติ อิเม เทฺว ทานคุณา
ทสฺสิตา, ปีตวตฺถสฺส อตฺถรเณน นิสีทนกาลญฺญุตาย จิตฺตึ ๑- กตฺวา ทานํ กาเลน
ทานนฺติ อิเม เทฺว ทานคุณา ทสฺสิตาติ เวทิตพฺพา. เสสํ เหฏฺฐา วุตฺตนยเมว.
                     ตติยปีฐวิมานวณฺณนา  นิฏฺฐิตา.
                      ---------------------
                       ๔.  จตุตฺถปีฐวิมานวณฺณนา
     ปีฐนฺเต เวฬุริยมยนฺติ จตุตฺถปีฐวิมานํ. อิมสฺสาปิ วตฺถุ ราชคเห
สมุฏฺฐิตํ, ตํ ทุติยวิมาเน วุตฺตนเยเนว เวทิตพฺพํ. นีลวตฺเถน หิ อตฺถริตฺวา
ปีฐสฺส ทินฺนตฺตา อิมิสฺสาปิ วิมานํ เวฬุริยมยํ นิพฺพตฺตํ. เสสํ ปฐมวิมาเน
วุตฺตสทิสํ. เตน วุตฺตํ:-
@เชิงอรรถ: ๑ สี. จิตฺต


เนื้อความอรรถกถาฉบับภาษาบาลี อักษรไทย เล่มที่ ๓๐ หน้าที่ ๓๐.
http://84000.org/tipitaka/read/attha_page.php?book=30&page=30&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=30&A=647&modeTY=2&pagebreak=1
http://84000.org/tipitaka/atthapali/th_line.php?B=30&A=647&modeTY=2&pagebreak=1#p30