ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๓๐ ภาษาบาลี อักษรไทย วิมาน.อ. (ปรมตฺถที.)

หน้าที่ ๙๙.

       ตํ ปน ปวตฺตึ สกฺโก เทวราชา อายสฺมโต มหาโมคฺคลฺลานตฺเถรสฺส กเถสิ,
เถโร ภควโต นิเวเทสิ. ภควา ตมตฺถํ อฏฺฐุปฺปตฺตึ กตฺวา สมฺปตฺตปริสาย ธมฺมํ
เทเสสิ, สา เทสนา สเทวกสฺส โลกสฺส สาตฺถิกา ชาตาติ.
                     เกสการีวิมานวณฺณนา  นิฏฺฐิตา.
               อิติ ปรมตฺถทีปนิยา ขุทฺทกฏฺฐกถาย วิมานวตฺถุสฺมึ
                        สตฺตรสวตฺถุปฏิปณฺฑิตสฺส
                  ปฐมสฺส ปีฐวคฺคสฺส อตฺถวณฺณนา นิฏฺฐิตา.
                         ---------------
                          ๒.  จิตฺตลตาวคฺค
                    ๑๘. ๑. ทาสิวิมานวณฺณนา
       ทุติยวคฺเค อปิ สกฺโกว เทวินฺโทติ ทาสิวิมานํ. ตสฺส กา อุปฺปตฺติ?
ภควติ เชตวเน วิหรนฺเต สาวตฺถิวาสี อญฺญตโร อุปาสโก สมฺพหุเลหิ อุปาสเกหิ
สทฺธึ สายนฺหสมยํ วิหารํ คนฺตฺวา ธมฺมํ สุตฺวา ปริสาย วุฏฺฐิตาย ภควนฺตํ
อุปสงฺกมิตฺวา "อิโต ปฏฺฐาย อหํ ภนฺเต สํฆสฺส จตฺตาริ นิจฺจภตฺตานิ ทสฺสามี"ติ
อาห. อถ นํ ภควา ตทนุจฺฉวิกํ ธมฺมกถํ กเถตฺวา วิสฺสชฺเชสิ. โส "มยา
ภนฺเต สํฆสฺส จตฺตาริ นิจฺจภตฺตานิ ปญฺญตฺตานิ, เสฺว ปฏฺฐาย อยฺยา มม
เคหํ อาคจฺฉนฺตู"ติ ภตฺตุทฺเทสกสฺส อาโรเจตฺวา อตฺตโน เคหํ คนฺตฺวา ทาสิยา
ตมตฺถํ อาจิกฺขิตฺวา "ตตฺถ ตยา นิจฺจกาลํ อปฺปมตฺตาย ภวิตพฺพนฺ"ติ อาห, สา



เนื้อความอรรถกถาฉบับภาษาบาลี อักษรไทย เล่มที่ ๓๐ หน้าที่ ๙๙. http://84000.org/tipitaka/read/attha_page.php?book=30&page=99&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=30&A=2137&modeTY=2&pagebreak=1 http://84000.org/tipitaka/atthapali/th_line.php?B=30&A=2137&modeTY=2&pagebreak=1#p99


จบการแสดงผล หน้าที่ ๙๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]