อรรถกถาเล่มที่ ๓๑ หน้าที่ ๒๙๑.

อภิคิชฺฌนฺตา หุตฺวา, เอวํ คนฺตฺวาปิ กิญฺจิ อาหารํ อลทฺธาเยว นิวตฺตาม. อปฺปปุญฺตาติ อปุญฺตา ^๑- อกตกลฺยาณตา. #[๗๘๙] อุตฺตานา ปฏิกิรามาติ กทาจิ อุตฺตานา หุตฺวา วิกิริยมานงฺคปจฺจงฺคา วิย วตฺตาม. อวกุชฺชา ปตามเสติ กทาจิ อวกุชฺชา หุตฺวา ปตาม. #[๗๙๐] เต จาติ เต มยํ. อุรํ สีสญฺจ ฆฏฺเฏมาติ อวกุชฺชา หุตฺวา ปติตา อุฏฺาตุํ อสกฺโกนฺตา เวธนฺตา เวทนาปฺปตฺตา อตฺตโน อตฺตโน อุรํ สีสญฺจ ปฏิฆํสาม ^๒-. เสสํ เหฏฺา วุตฺตนยเมว. เถโร ตํ ปวตฺตึ ภควโต อาโรเจสิ. ภควา ตมตฺถํ อฏฺุปฺปตฺตึ กตฺวา สมฺปตฺตปริสาย ธมฺมํ เทเสสิ, ตํ สุตฺวา มหาชโน มจฺเฉรมลํ ปหาย ทานาทิสุจริตนิรโต ^๓- อโหสีติ. คณเปตวตฺถุวณฺณนา นิฏฺิตา. --------------- ๑๓๑. ๑๑. ปาฏลิปุตฺตเปตวตฺถุวณฺณนา ทิฏฺา ตยา นิรยา ติรจฺฉานโยนีติ อิทํ สตฺถริ เชตวเน วิหรนฺเต อญฺตรํ วิมานเปตํ อารพฺภ วุตฺตํ. สาวตฺถิวาสิโน กิร ปาฏลิปุตฺตวาสิโน จ พหู วาณิชา นาวาย สุวณฺณภูมึ อคมึสุ. ตตฺเถโก อุปาสโก อาพาธิโก มาตุคาเม ปฏิพทฺธจิตฺโต กาลมกาสิ. โส กตกุสโลปิ เทวโลกํ อนุปปชฺชิตฺวา อิตฺถิยา ปฏิพทฺธจิตฺตตาย สมุทฺทมชฺเฌ วิมานเปโต หุตฺวา นิพฺพตฺติ. ยสฺสํ ปน โส ปฏิพทฺธจิตฺโต, สา อิตฺถี สุวณฺณภูมิคามินึ @เชิงอรรถ: ^๑ ม. นิวตฺตาม อปฺปปุญฺตาย อกตกลฺยาณตาย ^๒ ม. ปฏิวิสาม @^๓ สี. ทานาทีนิ ปุญฺานิ กโรนฺโต สุจริตนิรโต

เนื้อความอรรถกถาฉบับภาษาบาลี อักษรไทย เล่มที่ ๓๑ หน้าที่ ๒๙๑. http://84000.org/tipitaka/read/attha_page.php?book=31&page=291&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=31&A=6449&pagebreak=1 http://84000.org/tipitaka/atthapali/th_line.php?B=31&A=6449&pagebreak=1#p291