บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๒ ภาษาบาลี อักษรไทย เถร.อ.๑ (ปรมตฺถที.๑) หน้าที่ ๑๓๔.
กจฺจิ สีลมยํ คนฺธํ วายสีติ อตฺโถ. อถวา เนตรา ปชาติ น ๑- อิตรา ทุสฺสีลปชา, ตํ กจฺจิ ๒- น โหติ, ยโต สีลมยํ คนฺธํ วายสีติ พฺยติเรเกน สีลคนฺธวายนเมว วิภาเวติ. ชมฺพุคามิกปุตฺตตฺเถรคาถาวณฺณนา นิฏฺิตา. ---------------- ๑๖๖. ๙. หาริตตฺเถรคาถาวณฺณนา สมุนฺนมยมตฺตานนฺติ อายสฺมโต หาริตตฺเถรสฺส คาถา. กา อุปฺปตฺติ? โส กิร ปุริมพุทฺเธสุ กตาธิกาโร หุตฺวา ตตฺถ ตตฺถ วิวฏฺฏูปนิสฺสยํ ปุญฺ- สมฺภารํ อุปจินนฺโต อิโต เอกตึเส กปฺเป สุทสฺสนํ นาม ปจฺเจกสมฺพุทฺธํ ทิสฺวา ปสนฺนมานโส กุฏชปุปฺเผหิ ปูชํ กตฺวา เตน ปุญฺกมฺเมน สุคตีสุเยว ปริวตฺเตนฺโต อิมสฺมึ พุทฺธุปฺปาเท สาวตฺถินคเร พฺราหฺมณมหาสาลกุเล นิพฺพตฺติ. หาริโตติสฺส ๓- นามํ อโหสิ. ตสฺส วยปฺปตฺตสฺส มาตาปิตโร กุลรูปาทีหิ อนุจฺฉวิกํ กุมาริกํ พฺราหฺมณธีตรํ อาเนสุํ. โส ตาย สทฺธึ โภคสุขํ อนุภวนฺโต เอกทิวสํ อตฺตโน ตสฺสา จ รูปสมฺปตฺตึ โอโลเกตฺวา ธมฺมตาย โจทิยมาโน "อีทิสํ นาม รูปํ น จิรสฺเสว ชราย มจฺจุนา จ อภิปฺปมทฺทิยตี"ติ สํเวคํ ปฏิลภิ. กติปยทิวสาติกฺกเมเนว จสฺส ภริยํ กณฺหสปฺโป ฑํสิตฺวา มาเรสิ. โส เตน ภิยฺโยโส มตฺตาย สญฺชาตสํเวโค สตฺถุ สนฺติกํ คนฺตฺวา ธมฺมํ สุตฺวา ฆรพนฺธเน ฉินฺทิตฺวา ปพฺพชิ. ตสฺส จ จริยานุกูลํ กมฺมฏฺานํ คเหตฺวา วิหรนฺตสฺส กมฺมฏฺานํ น สมฺปชฺชติ, จิตฺตํ อุชุคตํ น โหติ. โส คามํ ปิณฺฑาย ปวิฏฺโ อญฺตรํ อุสุการํ อุสุทณฺฑํ ๔- ยนฺเต ปกฺขิปิตฺวา อุชุํ กโรนฺตํ ทิสฺวา "อิเม อเจตนมฺปิ นามํ อุชุํ กโรนฺติ, กสฺมา @เชิงอรรถ: ๑ สี. น-สทฺโท น ทิสฺสติ ๒ สี. กิญฺจิ ๓ ม. หาริโตติ ๔ สี. อุสุทณฺฑกํเนื้อความอรรถกถาฉบับภาษาบาลี อักษรไทย เล่มที่ ๓๒ หน้าที่ ๑๓๔. http://84000.org/tipitaka/read/attha_page.php?book=32&page=134&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=32&A=3024&pagebreak=1 http://84000.org/tipitaka/atthapali/th_line.php?B=32&A=3024&pagebreak=1#p134
จบการแสดงผล หน้าที่ ๑๓๔.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]