บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 32 : PALI ROMAN Thera.A.1 (paramatthadī.1) Page 159.
Vūpasametvā. Jhāyeyyāti ārammaṇūpanijjhānena lakkhaṇūpanijjhānena cāti duvidhenapi jhānena jhāyeyya. Apurakkhatoti micchāvitakkehi taṇhādīhi vā na purakkhatoti tesaṃ vasaṃ anupagacchanto kammaṭṭhānameva manasi kareyyāti attho. Evaṃ pana vatvā thero tameva saṃvegaṃ aṅkusaṃ katvā vipassanaṃ vaḍḍhetvā arahattaṃ pāpuṇi. Tena vuttaṃ apadāne 1- :- "kānanaṃ vanamoggayha veḷuṃ chetvānahaṃ tadā ālambanaṃ karitvāna saṃghassa adadiṃ bahuṃ. 2- Tena cittappasādena subbate abhivādiya 3- ālambadaṇḍaṃ datvāna pakkāmiṃ uttarāmukho. Catunnavutito kappe yaṃ daṇḍamadadiṃ tadā duggatiṃ nābhijānāmi daṇḍadānassidaṃ phalaṃ. Kilesā jhāpitā mayhaṃ .pe. kataṃ buddhassa sāsanan"ti. Yaṃ panatthaṃ aṅkusaṃ katvā ayaṃ thero arahattaṃ patto, tamevatthaṃ hadaye ṭhapetvā arahattaṃ pattopi "nānājanapadaṃ yantī"ti imameva gāthaṃ abhāsi. Tasmā tadevassa aññābyākaraṇaṃ ahosīti. Kumāputtasahāyattheragāthāvaṇṇanā niṭṭhitā. ------------------ 175. 8. Gavampatittheragāthāvaṇṇanā yo iddhiyā sarabhunti āyasmato gavampatittherassa gāthā. Kā uppatti? @Footnote: 1 kha.apa. 33/116/167 daṇḍadāyakattherāpadāna (syā) @2 pāli.ahaṃ 3 Sī. subbaco abhivādayiṃThe Pali Atthakatha in Roman Character Volume 32 Page 159. http://84000.org/tipitaka/read/attha_page.php?book=32&page=159&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=32&A=3567&pagebreak=1 http://84000.org/tipitaka/atthapali/rm_line.php?B=32&A=3567&pagebreak=1#p159
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]