อรรถกถาเล่มที่ ๓๒ หน้าที่ ๒๕๒.

อโหสิ อตฺตโน สนฺตาเน ราคาทิมลสฺส ปพฺพาชิตภาวทีปนโต. เตนาห ภควา "ปพฺพาชยมตฺตโน มลํ, ตสฺมา `ปพฺพชิโต'ติ วุจฺจตี"ติ. ^๑- อาตุมตฺเถรคาถาวณฺณนา นิฏฺิตา. --------------- ๒๑๐. ๓. มาณวตฺเถรคาถาวณฺณนา ชิณฺณญฺจ ทิสฺวา ทุขิตญฺจ พฺยาธิตนฺติ อายสฺมโต มาณวตฺเถรสฺส คาถา. กา อุปฺปตฺติ? อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยํ กุสลํ อุปจินนฺโต อิโต เอกนวุเต กปฺเป พฺราหฺมณกุเล นิพฺพตฺติตฺวา ลกฺขณธโร หุตฺวา วิปสฺสิสฺส ภควโต อภิชาติยา ลกฺขณานิ ปริคฺคเหตฺวา ปุพฺพนิมิตฺตานิ สาเวตฺวา "เอกํเสน อยํ พุทฺโธ ภวิสฺสตี"ติ พฺยากริตฺวา นานานเยหิ โถเมตฺวา อภิวาเทตฺวา ปทกฺขิณํ กตฺวา ปกฺกามิ. โส เตน ปุญฺกมฺเมน สุคตีสุเยว สํสรนฺโต อิมสฺมึ พุทฺธุปฺปาเท สาวตฺถิยํ พฺราหฺมณมหาสาลสฺส เคเห นิพฺพตฺติตฺวา ยาว สตฺตวสฺสานิ, ตาว อนฺโตฆเรเยว วฑฺฒิตฺวา สตฺตเม สํวจฺฉเร อุปนยนตฺถํ อุยฺยานํ นีโต อนฺตรา- มคฺเค ชิณฺณาตุรมเต ทิสฺวา เตสํ อทิฏฺปุพฺพตฺตา เต ปริชเน ปุจฺฉิตฺวา ชรา- โรคมรณสภาวํ สุตฺวา สญฺชาตสํเวโค ตโต อนิวตฺตนฺโต ^๒- วิหารํ คนฺตฺวา สตฺถุ สนฺติเก ธมฺมํ สุตฺวา มาตาปิตโร อนุชานาเปตฺวา ปพฺพชิตฺวา วิปสฺสนํ ปฏฺเปตฺวา น จิรสฺเสว อรหตฺตํ ปาปุณิ. เตน วุตฺตํ อปทาเน ^๓- :- "ชายมาเน วิปสฺสิมฺหิ นิมิตฺตํ พฺยากรึ อหํ @เชิงอรรถ: ^๑ ขุ.ธมฺม. ๒๕/๓๘๘/๘๔ อญฺตรปพฺพชิตวตฺถุ ^๒ สี., ม. อนุวตฺตนฺโต @^๓ ขุ.อป. ๓๒/๔๑/๒๑๖ สมฺมุขาถวิกตฺเถราปทาน

เนื้อความอรรถกถาฉบับภาษาบาลี อักษรไทย เล่มที่ ๓๒ หน้าที่ ๒๕๒. http://84000.org/tipitaka/read/attha_page.php?book=32&page=252&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=32&A=5624&pagebreak=1 http://84000.org/tipitaka/atthapali/th_line.php?B=32&A=5624&pagebreak=1#p252