romanATTHA book 32 Page 291.

Asakkhi, taṃ dassetuṃ "saccāni paṭivijjhahan"ti āha. Yasmā ahaṃ dukkhādīni cattāri ariyasaccāni pariññāpahānasacchikiriyābhāvanāpaṭivedhena paṭivijjhiṃ ariyamaggañāṇena aññāsiṃ, tasmā asakkhiṃ vata attānaṃ uddhātuṃ udakā thalanti yojanā. Ajjunattheragāthāvaṇṇanā niṭṭhitā. ------------ 226. 9. (paṭhama) devasabhattheragāthāvaṇṇanā uttiṇṇā paṅkapalipāti āyasmato devasabhattherassa gāthā. Kā uppatti? sopi purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto sikhissa bhagavato kāle pārāpatayoniyaṃ ^1- nibbatto ekadivasaṃ satthāraṃ disvā pasannamānaso piyālaphalaṃ upanesi. Satthā tassa pasādasaṃvaḍḍhanatthaṃ taṃ paribhuñji. So tena ativiya pasannacitto hutvā kālena kālaṃ upasaṅkamitvā vanditvā cittaṃ pasādeti. So tena puññakammena devaloke nibbatto aparāparaṃ puññāni katvā devamanussesu saṃsaranto imasmiṃ buddhuppāde aññatarassa maṇḍalikarañño putto hutvā nibbatto taruṇakāleyeva rajje patiṭṭhito rajjasukhamanubhavanto vuddho ^2- satthāraṃ upasaṅkami, tassa satthā dhammaṃ deseti. ^3- So dhammaṃ sutvā paṭiladdhasaddho saṃvegajāto rajjaṃ pahāya pabbajitvā vipassanāya kammaṃ karonto na cirasseva arahattaṃ pāpuṇi. Tena vuttaṃ apadāne ^4- :- "pārāvato ^5- tadā āsiṃ paraṃ anuparodhako pabbhāre seyyaṃ kappemi avidūre sikhisatthuno. @Footnote: ¹ cha.Ma. pārāvata.... ² Sī. ayaṃ pāṭho na dissati ³ cha.Ma. desesi @⁴ khu.apa. 32/66/231 phaladāyakattherāpadāna ⁵ pāli. parodhako

The Pali Atthakatha in Roman Character Volume 32 Page 291. http://84000.org/tipitaka/read/attha_page.php?book=32&page=291&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=32&A=6480&pagebreak=1 http://84000.org/tipitaka/atthapali/rm_line.php?B=32&A=6480&pagebreak=1#p291