อรรถกถาเล่มที่ ๓๒ หน้าที่ ๓๒๓.

สมาธึ นาธิคจฺฉนฺติ, น เอวํ วิทฺทสุโน. เต ปน มาทิสา เตหิ อนภิภูตา สมาธึ อธิคจฺฉนฺเตวาติ พฺยติเรกมุเขน อญฺาพฺยากรณนฺติ เวทิตพฺพํ. เสตุจฺฉตฺเถรคาถาวณฺณนา นิฏฺิตา. --------------- ๒๔๐. ๓. พนฺธุรตฺเถรคาถาวณฺณนา นาหํ เอเตน อตฺถิโกติ อายสฺมโต พนฺธุรตฺเถรสฺส คาถา. กา อุปฺปตฺติ? อยมฺปิ ปุริมพุทฺเธสุ กตาธิกาโร สิทฺธตฺถสฺส ภควโต กาเล อญฺตรสฺส รญฺโ อนฺเตปุเร โคปโก หุตฺวา เอกทิวสํ ภควนฺตํ สปริสํ ราชงฺคเณน ^๑- คจฺฉนฺตํ ทิสฺวา ปสนฺนจิตฺโต กณเวรปุปฺผานิ คเหตฺวา สสํฆํ โลกนายกํ ปูเชสิ. โส เตน ปุญฺกมฺเมน เทวโลเก นิพฺพตฺติตฺวา อปราปรํ สุคตีสุเยว สํสรนฺโต อิมสฺมึ พุทฺธุปฺปาเท สีลวตีนคเร เสฏฺิปุตฺโต หุตฺวา นิพฺพตฺติ, พนฺธุโรติสฺส นามํ อโหสิ. โส วิญฺุตํ ปตฺโต เกนจิเทว กรณีเยน สาวตฺถิยํ คโต อุปาสเกหิ สทฺธึ วิหารํ คโต สตฺถุ ธมฺมเทสนํ สุตฺวา ปฏิลทฺธสทฺโธ ปพฺพชิตฺวา าณสฺส ปริปากตฺตา วิปสฺสนํ ปฏฺเปตฺวา น จิรสฺเสว อรหตฺตํ ปาปุณิ. เตน วุตฺตํ อปทาเน ^๒- :- "สิทฺธตฺโถ นาม ภควา โลกเชฏฺโ นราสโภ ปุรกฺขโต สาวเกหิ นครํ ปฏิปชฺชถ. รญฺโ อนฺเตปุเร อาสึ โคปโก อภิสมฺมโต ปาสาเท อุปวิฏฺโหํ อทฺทสํ โลกนายกํ. กณเวรํ คเหตฺวาน ภิกฺขุสํเฆ สโมกิรึ พุทฺธสฺส วิสุํ กตฺวาน ตโต ภิยฺโย สโมกิรึ. @เชิงอรรถ: ^๑ สี. ราชงฺคเนน ^๒ ขุ.อป. ๓๒/๗/๒๔๘ กณเวรปุปฺผิยตฺเถราปทาน

เนื้อความอรรถกถาฉบับภาษาบาลี อักษรไทย เล่มที่ ๓๒ หน้าที่ ๓๒๓. http://84000.org/tipitaka/read/attha_page.php?book=32&page=323&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=32&A=7183&pagebreak=1 http://84000.org/tipitaka/atthapali/th_line.php?B=32&A=7183&pagebreak=1#p323