romanATTHA book 32 Page 457.

Avijjatamo vigato, tatoeva sabbe cola samucchinna cora viya ^1- kusalabhandacchedanato, sadhuhi alatabbato asangahetabbato sankarakutadisu chadditapilotikakhandam viya issarajanena ariyajanena jigucchitabbataya cola viyati va"cola"ti laddhanama kilesa samucchinna. Aggamaggena samugghatitattaeva ca nesam natthi dani punabbhavo ayatim punabbhavabhinibbatti natthiti. Vitasokattheragathavannana nitthita. -------------- 283. 6. Punnamasattheragathavannana panca nivarane hitvatiadika ayasmato punnamasattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto tissassa bhagavato kale kulagehe nibbattitva vinnutam patto ekadivasam satthari aranne viharante pamsukulacivaram dumasakhaya laggetva gandhakutim pavitthe dhanuhattho gahanam pavittho satthu pamsukulam disva pasannamanaso dhanum nikkhipitva buddhagune anussaritva pamsukulam vandi. So tena punnakammena devamanussesu samsaranto imasmim buddhuppade savatthiyam kutumbikakule nibbatti. Tassa kira jatadivase tasmim gehe sabbabhajanani suvannaratanamayehi masehi paripunnaneva ahesum. Tenassa punnamasotveva namam akamsu. So vayappatto darapariggaham katva ekasmim putte uppanne gharavasam pahaya pabbajitva gamakavase vasanto ghatento vayamanto chalabhinno ahosi. Tena vuttam apadane ^2- :- @Footnote: ¹ i.,Ma. cola viya ² khu.apa. 33/71/99 pamsukulasannakattherapadana (sya)

The Pali Atthakatha in Roman Character Volume 32 Page 457. http://84000.org/tipitaka/read/attha_page.php?book=32&page=457&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=32&A=10222&modeTY=2&pagebreak=1 http://84000.org/tipitaka/atthapali/rm_line.php?B=32&A=10222&modeTY=2&pagebreak=1#p457