อรรถกถาเล่มที่ ๓๒ หน้าที่ ๔๘๐.

ปตฺตจีวรมาทาย ตสฺส พฺราหฺมณสฺส นิเวสนํ อุปคจฺฉิ. พฺราหฺมโณ "เกนจิ อญฺเน ปโยชเนน เถโร อาคโต"ติ ตฺวา "วเทยฺยาถ ^๑- ภนฺเต เกนตฺโถ"ติ อาห. เถโร ตสฺส พฺราหฺมณสฺส ปโยชนํ อาจิกฺขนฺโต:- [๑๘๕] "อรหํ สุคโต โลเก วาเตหาพาธิโก ^๒- มุนิ สเจ อุโณฺหทกํ อตฺถิ มุนิโน เทหิ พฺราหฺมณ. [๑๘๖] ปูชิโต ปูชเนยฺยานํ ^๓- สกฺกเรยฺยาน สกฺกโต อปจิโต อปจิเนยฺยานํ ^๔- ตสฺส อิจฺฉามิ หาตเว"ติ คาถาทฺวยํ อภาสิ. ตสฺสตฺโถ:- โย อิมสฺมึ โลเก ปูชเนยฺยานํ ปูเชตพฺเพหิ สกฺกาทีหิ เทเวหิ มหาพฺรหฺมาทีหิ จ พฺรหฺเมหิ ปูชิโต, สกฺกเรยฺยานํ สกฺกาตพฺเพหิ พิมฺพิสาร- โกสลราชาทีหิ สกฺกโต, อปจิเนยฺยานํ อปจายิตพฺเพหิ มเหสีหิ ขีณาสเวหิ อปจิโต, กิเลเสหิ อารกตฺตาทินา อรหํ, โสภณคมนาทินา สุคโต สพฺพญฺู มุนิ มยฺหํ สตฺถา เทวเทโว สกฺกานํ อติสกฺโก พฺรหฺมานํ อติพฺรหฺมา, โส ทานิ วาเตหิ วาตเหตุ วาตกฺโขภนิมิตฺตํ อาพาธิโก ชาโต. สเจ พฺราหฺมณ อุโณฺหทกํ อตฺถิ, ตสฺส วาตาพาธวูปสมนตฺถํ ตํ หาตเว อุปเนตุํ ^๕- อิจฺฉามีติ. ตํ สุตฺวา พฺราหฺมโณ อุโณฺหทกํ ตทนุรูปํ วาตารหญฺจ เภสชฺชํ ภควโต อุปนาเมสิ. เตน จ สตฺถุ โรโค วูปสมิ. ตสฺส ภควา อนุโมทนํ อกาสีติ. อุปวาณตฺเถรคาถาวณฺณนา นิฏฺิตา. --------------- @เชิงอรรถ: ^๑ อิ. เวเทยฺยาถ ^๒ ปาลิ. วาเตหาพาธิโต ^๓ สี. ปูชนียานํ @^๔ สี. อปจนียานํ, อิ., ม. อปเจยฺยานํ, ฉ.ม. อปจิโตปเจยฺยานํ ^๕ ม. อปเนตุํ

เนื้อความอรรถกถาฉบับภาษาบาลี อักษรไทย เล่มที่ ๓๒ หน้าที่ ๔๘๐. http://84000.org/tipitaka/read/attha_page.php?book=32&page=480&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=32&A=10745&pagebreak=1 http://84000.org/tipitaka/atthapali/th_line.php?B=32&A=10745&pagebreak=1#p480