อรรถกถาเล่มที่ ๓๒ หน้าที่ ๕๕๓.

ภิกฺขูนํ สหวาโส คามวาสสทิโส วิเวกวาโส น โหตีติ อธิปฺปาโย. โกลาหลํ ตตุตฺตรินฺติ ตโต ตยโต ^๑- อุปริ จ พหูนํ สํวาโส โกลาหลํ อุจฺจาสทฺทมหาสทฺทมหา- ^๒- ชนสนฺนิปาตสทิโส, ตสฺมา เอกวิหารินา ภวิตพฺพนฺติ อธิปฺปาโยติ. ยโสชตฺเถรคาถาวณฺณนา นิฏฺฐิตา. ---------------- ๑๓๖. ๑๐. สาฏิมตฺติยตฺเถรคาถาวณฺณนา อหุ ตุยฺหํ ปุเร สทฺธาติ อายสฺมโต สาฏิมตฺติยตฺเถรสฺส ^๓- คาถา. กา อุปฺปตฺติ? อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว ปุญฺญานิ อุปจินนฺโต สิทฺธตฺถสฺส ภควโต กาเล กุลเคเห นิพฺพตฺติตฺวา วิญฺญุตํ ปตฺโต เอกทิวสํ สตฺถารํ ทิสฺวา ปสนฺนมานโส ตาลวณฺฏํ อทาสิ. โส เตน ปุญฺญกมฺเมน เทวมนุสฺเสสุ สํสรนฺโต อิมสฺมึ พุทฺธุปฺปาเท มคธรฏฺเฐ พฺราหฺมณกุเล นิพฺพตฺติตฺวา สาฏิมตฺติโยติ ลทฺธนาโม วยปฺปตฺโต เหตุสมฺปนฺนตาย อารญฺญกภิกฺขูนํ สนฺติเก ปพฺพชิตฺวา วิปสฺสนาย กมฺมํ กโรนฺโต ฉฬภิญฺโญ อโหสิ. เตน วุตฺตํ อปทาเน ^๔- :- "สิทฺธตฺถสฺส ภควโต ตาลวณฺฏมทาสหํ สุมเนหิ ปฏิจฺฉนฺนํ ธารยามิ มหายสํ. ^๕- จตุนฺนวุเต อิโต ^๖- กปฺเป ตาลวณฺฏมทาสหํ ทุคฺคตึ นาภิชานามิ ตาลวณฺฏสฺสิทํ ผลํ. กิเลสา ฌาปิตา มยฺหํ ฯเปฯ กตํ พุทฺธสฺส สาสนนฺ"ติ. ฉฬภิญฺโญ ปน หุตฺวา ภิกฺขู โอวทติ อนุสาสติ พหู จ สตฺเต ธมฺมํ @เชิงอรรถ: ^๑ สี.,ม. ตติยโต ^๒ สี.,อิ. สํวาเส โกลาหลํ อุจฺจาสทฺทํ มหาสทฺทํ @^๓ อิ. สาฏิมตฺติก.... ^๔ ขุ.อป. ๓๒/๔๓/๔๐๘ สุมนตาลวณฺฏิยตฺเถราปทาน @^๕ ฉ.ม. มหารหํ ^๖ ฉ.ม. จตุนฺนวุติโต

เนื้อความอรรถกถาฉบับภาษาบาลี อักษรไทย เล่มที่ ๓๒ หน้าที่ ๕๕๓. http://84000.org/tipitaka/read/attha_page.php?book=32&page=553&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=32&A=12381&modeTY=2&pagebreak=1 http://84000.org/tipitaka/atthapali/th_line.php?B=32&A=12381&modeTY=2&pagebreak=1#p553