อรรถกถาเล่มที่ ๓๓ หน้าที่ ๑๑๑.

อกฺขณฺฑํ อจฺฉิทฺทํ สุปริสุทฺธํ สีลํ ทิสฺวา ปีติ อุปฺปชฺชิ, ปีติมนสฺส กาโย ปสฺสมภิ, ปสฺสทฺธกายสฺส นิรามิสํ สุขํ อนุภวนฺตสฺส จิตฺตสฺส สมาหิตตาย วิปสฺสนา- วเสน โยนิโส มนสิกาโร อุปฺปชฺชิ. อถวา ตโตติ กณฺเฐ ขุรสฺส อุปนยนโต ^๑- ปจฺฉา ^๒- วเณ ชาเต อุปฺปนฺนํ เวทนํ วิกฺขมฺเภนฺโต วิปสฺสนาย วเสน โยนิโสมนสิกาโร อุปฺปชฺชิ, อิทานิ ตโต ปรํ มคฺคผลปจฺจเวกฺขณญาณํ อุปฺปนฺนภาวํ ทสฺเสตุํ "อาทีนโว ปาตุรหู"ติอาทิ วุตฺตํ. ตํ เหฏฺฐา วุตฺตตฺถเมว. สปฺปทาสตฺเถรคาถาวณฺณนา นิฏฺฐิตา. ------------------ ๓๕๓. ๗. กาติยานตฺเถรคาถาวณฺณนา อุฏฺเฐหีติอาทิกา อายสฺมโต กาติยานตฺเถรสฺส คาถา. กา อุปฺปตฺติ? อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว ปุญฺญานิ อุปจินิตฺวา อิมสฺมึ พุทฺธุปฺปาเท สาวตฺถิยํ อญฺญตรสฺส โกสิยโคตฺตสฺส พฺราหฺมณสฺส ปุตฺโต หุตฺวา นิพฺพตฺโต, มาตุโคตฺตวเสน ปน กาติยาโนติ ลทฺธนาโม วยปฺปตฺโต สามญฺญกานิตฺเถรสฺส คิหิสหาโย เถรํ ทิสฺวา ปพฺพชิโต สมณธมฺมํ กโรนฺโต รตฺตึ "นิทฺทาภิภวํ วิโนเทสฺสามี"ติ จงฺกมํ อารุหิ. โส จงฺกมนฺโต นิทฺทาย อภิภูโต ปจลายมาโน ปริปติตฺวา ตตฺเถว อนนฺตรหิตาย ภูมิยา นิปชฺชิ, สตฺถา ตสฺส ตํ ปวตฺตึ ทิสฺวา สยํ ตตฺถ คนฺตฺวา อากาเส ฐตฺวา "กาติยานา"ติ สญฺญํ อทาสิ. โส สตฺถารํ ทิสฺวา อุฏฺฐหิตฺวา วนฺทิตฺวา สํเวคชาโต อฏฺฐาสิ. อถสฺส สตฺถา ธมฺมํ เทเสนฺโต:- [๔๑๑] "อุฏฺเฐหิ นิสีท กาติยาน มา นิทฺทาพหุโล อหุ ชาครสฺสุ @เชิงอรรถ: ^๑ ฉ.ม. อุปนยโต ^๒ ฉ.ม. อยํ ปาโฐ น ทิสฺสติ

เนื้อความอรรถกถาฉบับภาษาบาลี อักษรไทย เล่มที่ ๓๓ หน้าที่ ๑๑๑. http://84000.org/tipitaka/read/attha_page.php?book=33&page=111&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=33&A=2525&modeTY=2&pagebreak=1 http://84000.org/tipitaka/atthapali/th_line.php?B=33&A=2525&modeTY=2&pagebreak=1#p111