บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 33 : PALI ROMAN Thera.A.2 (paramatthadi.2) Page 124.
Passa"tiadimaha. Ajjhattam susamahitanti visayajjhattabhutena aggaphalasamadhina sutthu samahitam. Pasadikena vattenati passantanam pasadavahena acaravattena, karanatthe idam karanavacanam. Kalyanairiyapathoti sampanniriyapatho. Pasadikena vattenati va itthambhutalakkhane karanavacanam. Samanassa bhavo samanyam, samannanti attho. Tadattham irati 1- pavattatiti samanero, samanuddeso. Iddhiya ca visaradoti iddhiyampi byatto sukusalo. Ajaniyenati purisajaniyena. Attahitaparahitanam sadhanato sadhuna katakiccena anuruddhena sadhu 2- ubhayahitasadhako sutthu va ajanno karito damito. 3- Aggavijjaya vinito asekkhabhavapadanena sikkhito sikkhapitoti attho. So samanero sumano paramam santim nibbanam patva aggamaggadhigamena adhigantva sacchikatva attapaccakkham katva akuppatam arahattaphalam appicchabhavassa paramukkamsagatatta ma mam jannati mam "ayam khinasavo"ti va "../../bdpicture/chalabhinno"ti va kocipi ma janeyyati icchati abhikankhatiti. Sumanattheragathavannana nitthita. -------------- 357. 11. Nhatakamunittheragathavannana vatarogabhinitotiadika ayasmato nhatakamunittherassa 4- gatha. Ka uppatti? ayampi purimabuddhesu katadhikaro tattha tattha bhave punnani upacinitva imasmim buddhuppade rajagahe brahmanakule nibbattitva vayappatto vijjatthanadisu nipphattim gato nhatakalakkhanayogena nhatakoti pannayittha. So @Footnote: 1 Ma. karoti, i. iriyati 2 Si.,i. sadhuna sadhu @3 Si.,i. ajannakarina damito 4 cha.Ma. nhatakamunissaThe Pali Atthakatha in Roman Character Volume 33 Page 124. http://84000.org/tipitaka/read/attha_page.php?book=33&page=124&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=33&A=2825&modeTY=2&pagebreak=1 http://84000.org/tipitaka/atthapali/rm_line.php?B=33&A=2825&modeTY=2&pagebreak=1#p124
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]