ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๓๓ ภาษาบาลี อักษรไทย เถร.อ.๒ (ปรมตฺถที.๒)

หน้าที่ ๓๕๔.

ติณฺโณติ สยํ สํสารมโหฆํ ติณฺโณ, เทสนาหตฺเถน อิมํ ปชํ สตฺตกายํ ตาเรสิ.
อุปธีติ ขนฺธูปธิอาทโย สพฺเพ อุปธี. อนุปาทาโนติ สพฺพโส ปหีนกามุปาทานาทิโก.
เอวํ วตฺวา เถโร สปริโส สตฺถารํ อภิวนฺทตีติ.
                     เสลตฺเถรคาถาวณฺณนา นิฏฺิตา.
                           -----------
             ๓๙๑. ๗. กาลิโคธาปุตฺตภทฺทิยตฺเถรคาถาวณฺณนา ๑-
      ยาตํ เม หตฺถิคีวายาติอาทิกา อายสฺมสโต ภทฺทิยตฺเถรสฺส คาถา. กา
อุปฺปตฺติ?
      อยมฺปิ ปุริมพุทฺเธสุ กตาธิกาโร ปทุมุตฺตรสฺส ภควโต กาเล มหาโภคกุเล
นิพฺพตฺติตฺวา วิญฺุตํ ปตฺโต เอกทิวสํ สตฺถุ สนฺติเก ธมฺมํ สุณนฺโต สตฺถารา
เอกํ ภิกฺขุํ อุจฺจากุลิกานํ อคฺคฏฺาเน ปิยมานํ ทิสฺวา สยมฺปิ ตํ านนฺตรํ
ปตฺเถตฺวา สตฺตาหํ พุทฺธปฺปมุขสฺส ภิกฺขุสํฆสฺส มหาทานํ ทตฺวา ปณิธานํ อกาสิ.
สตฺถาปิสฺส อนนฺตราเยน สมิชฺฌนภาวํ ทิสฺวา พฺยากาสิ, โสปิ ตํ พฺยากรณํ
สุตฺวา อุจฺจากุลิกสํวตฺตนิกํ กมฺมํ ปุจฺฉิตฺวา ธมฺมสฺสวนสฺส การาปนํ, ธมฺมมณฺฑเป
อาสนทานํ, พีชนีทานํ ๒-, ธมฺมกถิกานํ ปูชาสกฺการกรณํ, อุโปสถาคาเร ปฏิสฺสย-
ทานนฺติ เอวมาทึ ยาวชีวํ พหุปุญฺ กตฺวา ตโต จุโต เทวมนุสฺเสสุ สํสรนฺโต
กสฺสปสฺส ภควโต อปรภาเค อมฺหากํ ภควโต อุปฺปตฺติยา ปุเรตรํ พาราณสิยํ
กุฏุมฺพิกฆเร ๓- นิพฺพตฺโต สมฺพหุเล ปจฺเจกพุทฺเธ ปิณฺฑาย จริตฺวา เอกสฺมึเยว
าเน สมาคนฺตฺวา ภตฺตวิสฺสคฺคํ กโรนฺเต ทิสฺวา ตตฺถ ปาสาณผลกานิ อตฺถริตฺวา
ปาโททกาทึ อุปฏฺเปนฺโต ยาวชีวํ อุปฏฺหิ.
@เชิงอรรถ:  ก. ภทฺทิยกาลิโคธปุตฺตตฺเถร.....     สี. พีชนทานํ    ฉ.ม. กุฏุมฺพิยฆเร



เนื้อความอรรถกถาฉบับภาษาบาลี อักษรไทย เล่มที่ ๓๓ หน้าที่ ๓๕๔. http://84000.org/tipitaka/read/attha_page.php?book=33&page=354&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=33&A=8153&pagebreak=1 http://84000.org/tipitaka/atthapali/th_line.php?B=33&A=8153&pagebreak=1#p354


จบการแสดงผล หน้าที่ ๓๕๔.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]