อรรถกถาเล่มที่ ๓๓ หน้าที่ ๕๒.

[๓๒๘] วสฺสติ เทโว ฯเปฯ ตสฺสํ วิหรามิ วีตโทโส ฯเปฯ [๓๒๙] วสฺสติ เทโว ฯเปฯ ตสฺสํ วิหรามิ วีตโมโห อถ เจ ปตฺถยสี ปวสฺส เทวา"ติ อิมา ปญฺจ คาถา อภาสิ. ตตฺถ ยถาสุคีตนฺติ สุคีตานุรูปํ, สุนฺทรสฺส อตฺตโน เมฆคีตสฺส อนุรูปเมวาติ อตฺโถ. วลาหโก หิ ยถา อคชฺชนฺโต เกวลํ วสฺสนฺโต น โสภติ, เอวํ สตปฏลสหสฺสปฏเลน อุฏฺฐหิตฺวา ถนยนฺโต คชฺเชนฺโต วิชฺชุลฺลตา นิจฺฉาเรนฺโตปิ อวสฺสนฺโต น โสภติ, ตถาภูโต ปน หุตฺวา วสฺสนฺโต โสภตีติ วุตฺตํ "วสฺสติ เทโว ยถาสุคีตนฺ"ติ. เตนาห "อภิตฺถนยปชฺชุนฺน" ^๑- "คชฺชิตา จ วสฺสิตา จา"ติ ^๒- จ. ตสฺสํ วิหรามีติ ตสฺสํ กุฏิกายํ อริยวิหารคพฺเภน อิริยาปถวิหาเรน วิหรามิ. วูปสนฺตจิตฺโตติ อคฺคผลสมาธินา สมฺมเทว อุปสนฺตมานโส. เอวํ เถรสฺส อเนกวารํ กตํ อุยฺโยชนํ สิรสา สมฺปฏิจฺฉนฺโต วลาหกเทวปุตฺโต นินฺนญฺจ ถลญฺจ ปูเรนฺโต มหาวสฺสํ วสฺสาเปสิ. คิริมานนฺทตฺเถรคาถาวณฺณนา นิฏฺฐิตา. ----------------- ๓๓๘. ๔. สุมนตฺเถรคาถาวณฺณนา ยํ ปตฺถยมาโนติอาทิกา อายสฺมโต สุมนตฺเถรสฺส คาถา. กา อุปฺปตฺติ? อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว ปุญฺญานิ อุปจินนฺโต @เชิงอรรถ: ^๑ ขุ.ชา.๒๗/๗๕/๒๔ มจฺฉชาตก, ขุ.จริยา. ๓๓/๓๐/๕๙๐ มจฺฉราชจริย (สฺยา) @^๒ องฺ. จตุกฺก ๒๑/๑๐๑/๑๑๖ ปฐมวลาหกสุตฺต, อภิ.ปุ. ๓๖/๑๕๗/๑๕๓ @จตุกฺกปุคฺคลปญฺญตฺติ

เนื้อความอรรถกถาฉบับภาษาบาลี อักษรไทย เล่มที่ ๓๓ หน้าที่ ๕๒. http://84000.org/tipitaka/read/attha_page.php?book=33&page=52&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=33&A=1178&modeTY=2&pagebreak=1 http://84000.org/tipitaka/atthapali/th_line.php?B=33&A=1178&modeTY=2&pagebreak=1#p52