อรรถกถาเล่มที่ ๓๓ หน้าที่ ๙๙.

อโรโค อาสิ เตเนว สมโณ สํวุตินฺทฺริโย อโสโก นาม นาเมน อุปฏฺฐาโก วิปสฺสิโน. เอกนวุเต อิโต ^๑- กปฺเป ยํ โอสถมทาสหํ ^๒- ทุคฺคตึ นาภิชานามิ เภสชฺชสฺส อิทํ ผลํ. อิโต จ อฏฺฐเม กปฺเป สพฺโพสธสนามโก สตฺตรตนสมฺปนฺโน จกฺกวตฺตี มหปฺผโล. กิเลสา ฌาปิตา มยฺหํ ฯเปฯ กตํ พุทฺธสฺส สาสนนฺ"ติ. เอตฺถ จ พินฺทุสารรญฺโญ กาเล อิมสฺส เถรสฺส อุปฺปนฺนตฺตา ตติยสงฺคีติยํ อิมา คาถา สงฺคีตาติ เวทิตพฺพา. เตกิจฺฉกานิตฺเถรคาถาวณฺณนา นิฏฺฐิตา. --------------------- ๓๔๙. ๓. มหานาคตฺเถรคาถาวณฺณนา ยสฺส สพฺรหฺมจารีสูติอาทิกา อายสฺมโต มหานาคตฺเถรสฺส คาถา. กา อุปฺปตฺติ? อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยํ กุสลํ อุปจินนฺโต กกุสนฺธสฺส ภควโต กาเล กุลเคเห นิพฺพตฺติตฺวา วิญฺญุตํ ปตฺโต เอกทิวสํ กกุสนฺธํ ภควนฺตํ อรญฺญํ อชฺโฌคาเหตฺวา อญฺญตรสฺมึ รุกฺขมูเล ฌานสุเขน นิสินฺนํ ทิสฺวา ปสนฺนมานโส ตสฺส ทาฬิมผลํ ^๓- อทาสิ. โส เตน ปุญฺญกมฺเมน เทวมนุสฺเสสุ สํสรนฺโต อิมสฺมึ พุทฺธุปฺปาเท สาเกเต มธุวาเสฏฺฐสฺส นาม พฺราหฺมณสฺส ปุตฺโต หุตฺวา นิพฺพตฺติ, มหานาโคติสฺส นามํ อโหสิ. โส วิญฺญุตํ ปตฺโต ภควติ สาเกเต @เชิงอรรถ: ^๑ ฉ.ม. เอกนวุติโต ^๒ ฉ.ม. โอสธมทาสหํ ^๓ สี.,อิ. ทาฑิมผลํ

เนื้อความอรรถกถาฉบับภาษาบาลี อักษรไทย เล่มที่ ๓๓ หน้าที่ ๙๙. http://84000.org/tipitaka/read/attha_page.php?book=33&page=99&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=33&A=2252&modeTY=2&pagebreak=1 http://84000.org/tipitaka/atthapali/th_line.php?B=33&A=2252&modeTY=2&pagebreak=1#p99