อรรถกถาเล่มที่ ๓๔ หน้าที่ ๑๙.

วงฺเกหิ ^๑- ปริมุตฺติยาติ อตฺโถ. อิทานิ ตานิ สรูปโต ทสฺเสนฺตี "อุทุกฺขเลน มุสเลน, ปตินา ขุชฺชเกน จา"ติ อาห. อุทุกฺขเล หิ ธญฺญํ ปกฺขิปนฺติยา ปริวตฺเตนฺติยา มุสเลน โกฏฺเฏนฺติยา จ ปิฏฺฐิ โอนาเมตพฺพา โหตีติ ขุชฺชกรณเหตุตาย ตทุภยํ "ขุชฺชนฺ"ติ วุตฺตํ. สามิโก ปนสฺสา ขุชฺโช เอว, อิทานิ ยสฺสา มุตฺติยา นิทสฺสนวเสน ตีหิ ขุชฺเชหิ มุตฺติ ^๒- วุตฺตา, ตเมว ทสฺเสนฺตี "มุตฺตามฺหิ ชาติมรณา"ติ วตฺวา ตตฺถ การณมาห "ภวเนตฺติ สมูหตา"ติ. ตสฺสตฺโถ:- น เกวลมหํ ตีหิ ขุชฺเชหิ เอว มุตฺตา, อถโข สพฺพสฺมา ชาติมรณาปิ, ^๓- ยสฺมา สพฺพสฺสาปิ ภวสฺส เนตฺติ นายิกา ตณฺหา อคฺคมคฺเคน มยา สมุคฺฆาฏิตาติ. มุตฺตาเถรีคาถาวณฺณนา นิฏฺฐิตา. -------------------- ๔๑๓. ๑๒. ธมฺมทินฺนาเถรีคาถาวณฺณนา ฉนฺทชาตา อวสายีติอาทิกา ธมฺมทินฺนาย เถริยา คาถา. สา กิร ปทุมุตฺตรพุทฺธกาเล หํสวตีนคเร ปราธีนวุตฺติกา หุตฺวา ชีวนฺตี นิโรธโต วุฏฺฐิตสฺส อคฺคสาวกสฺส ปูชาสกฺการปุพฺพกํ ทานํ ทตฺวา เทวโลเก นิพฺพตฺตา. ตโต จวิตฺวา เทวมนุสฺเสสุ สํสรนฺตี ปุสฺสสฺส ^๔- ภควโต กาเล สตฺถุ เวมาติกภาติกานํ ^๕- กมฺมิกสฺส เคเห วสมานา ทานํ ปฏิจฺจ "เอกํ เทหี"ติ สามิเกน วุตฺเต เทฺว เทนฺตี พหุปุญฺญานิ กตฺวา กสฺสปพุทฺธกาเล กิกิสฺส กาสิกรญฺโญ เคเห ปฏิสนฺธึ คเหตฺวา สตฺตนฺนํ ภคินีนํ อพฺภนฺตรา หุตฺวา วีสติวสฺสสหสฺสานิ พฺรหฺมจริยํ จริตฺวา เอกํ พุทฺธนฺตรํ เทวมนุสฺเสสุ สํสรนฺตี อิมสฺมึ พุทฺธุปฺปาเท ราชคเห กุลเคเห นิพฺพตฺติตฺวา วยปฺปตฺตา วิสาขสฺส เสฏฺฐิโน เคหํ คตา. @เชิงอรรถ: ^๑ ฉ.ม. วงฺกเกหิ ^๒ ม. มุตฺตา ^๓ สี.,ม. ชรามรณาปิ @^๔ ฉ.ม. ผุสฺสสฺส ^๕ ม. เวมาติกภาติกภาติกานํ

เนื้อความอรรถกถาฉบับภาษาบาลี อักษรไทย เล่มที่ ๓๔ หน้าที่ ๑๙. http://84000.org/tipitaka/read/attha_page.php?book=34&page=19&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=34&A=401&modeTY=2&pagebreak=1 http://84000.org/tipitaka/atthapali/th_line.php?B=34&A=401&modeTY=2&pagebreak=1#p19