บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 34 : PALI ROMAN Therī.A. (paramatthadī.) Page 30.
419. 18. Saṃghātherīgāthāvaṇṇanā hitvā ghare pabbajitvātiādikā saṃghāya theriyā gāthā. Tassā vatthu dhīrātheriyā vatthusadisaṃ. 1- Sā pana arahattaṃ pattā 1-:- [18] "hitvā ghare pabbajitvā hitvā puttaṃ pasuṃ piyaṃ hitvā rāgañca dosañca avijjañca virājiya samūlaṃ taṇhamabbuyha upasantāmhi nibbutā"ti gāthaṃ abhāsi. Tattha hitvāti chaḍḍetvā. Ghareti gehaṃ. Gharasaddo hi ekasmimpi abhidheyye kadāci bahūsu bījaṃ viya ruḷhivasena voharīyati. Hitvā puttaṃ pasuṃ piyanti piyāyitabbe putte ceva gomahisādike pasū ca tappaṭibaddhachandarāgappahānena pahāya. Hitvā rāgañca dosañcāti rajjanasabhāvaṃ rāgaṃ dussanasabhāvaṃ dosañca ariyamaggena samucchinditvā. Avijjañca virājiyāti sabbākusalesu pubbaṅgamaṃ mohañca virājitvā maggena samugghāṭetvā iccevamattho. Sesaṃ vuttanayameva. Saṃghātherīgāthāvaṇṇanā niṭṭhitā. Ekakanipātavaṇṇanā niṭṭhitā. --------------- @Footnote: 1-1 cha.Ma. gāthā panaThe Pali Atthakatha in Roman Character Volume 34 Page 30. http://84000.org/tipitaka/read/attha_page.php?book=34&page=30&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=34&A=641&pagebreak=1 http://84000.org/tipitaka/atthapali/rm_line.php?B=34&A=641&pagebreak=1#p30
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]