อรรถกถาเล่มที่ ๓๔ ภาษาบาลี อักษรไทย
เถรี.อ. (ปรมตฺถที.)
หน้าที่ ๖๗.

อาณาเปนฺติ, ตํ ตํ ทิสฺวาติ โยชนา. ตโต จิตฺตํ สมาเธสึ, ขลุ ตาย วนํ
คตาติ ขลูติ อวธารณตฺเถ นิปาโต. ตโต หตฺถิทสฺสนโต ปจฺฉา ตาย หตฺถิโน
กิริยาย เหตุภูตาย วนํ อรญฺ คตา จิตฺตํ สมาเธสึเยว. กถํ? "อยมฺปิ นาม
ติรจฺฉานคโต หตฺถี หตฺถิทมกสฺส วเสน ทมถํ คโต, กสฺมา มนุสฺสภูตาย จิตฺตํ
ปุริสทมกสฺส สตฺถุ วเสน ทมถํ น คมิสฺสตี"ติ สํเวคชาตา วิปสฺสนํ วฑฺเฒตฺวา
อคฺคมคฺคสมาธินา มม จิตฺตํ สมาเธสึ อจฺจนฺตสมาธาเนน สพฺพโส กิเลเส เขเปสินฺติ
อตฺโถ.
                    ทนฺติกาเถรีคาถาวณฺณนา นิฏฺิตา.
                       ------------------
                    ๔๓๔. ๕. อุพฺพิรีเถรีคาถาวณฺณนา
      อมฺม ชีวาติอาทิกา อุพฺพิริยา เถริยา คาถา.
      อยมฺปิ ปุริมพุทฺเธสุ กตาธิการา ตตฺถ ตตฺถ ภเว วิวฏฺฏูปนิสฺสยํ กุสลํ
อุปจินนฺตี ปทุมุตฺตรสฺส ภควโต กาเล หํสวตีนคเร กุลเคเห นิพฺพตฺติตฺวา วิญฺุตํ
ปตฺตา เอกทิวสํ มาตาปิตูสุ มงฺคลํ อนุภวิตุํ เคหนฺตรคเตสุ อทุติยา สยํ เคเห
โอหีนา อุปกฏฺาย เวลาย ภควโต สาวกํ เอกํ ขีณาสวตฺเถรํ เคหทฺวารสมีเปน
คจฺฉนฺตํ ทิสฺวา ภิกฺขํ ทาตุกามา "ภนฺเต อิธ ปวิสถา"ติ วตฺวา เถเร เคหํ
ปวิฏฺเ ปญฺจปติฏฺิเตน เถรํ วนฺทิตฺวา โคนกาทีหิ อาสนํ ปญฺาเปตฺวา อทาสิ.
นิสีทิ เถโร ปญฺตฺเต อาสเน. สา ปตฺตํ คเหตฺวา ปิณฺฑปาตสฺส ปูเรตฺวา
เถรสฺส หตฺเถ เปสิ. เถโร อนุโมทนํ กตฺวา ปกฺกามิ. สา เตน ปุญฺกมฺเมน
ตาวตึเสสุ นิพฺพตฺติตฺวา ตตฺถ ยาวตายุกํ อุฬารทิพฺพสมฺปตฺตึ อนุภวิตฺวา ตโต
จุตา สุคตีสุเยว สํสรนฺตี อิมสฺมึ พุทฺธุปฺปาเท สาวตฺถิยํ คหปติมหาสาลกุเล
นิพฺพตฺติตฺวา อุพฺพิรีติ ลทฺธนามา อภิรูปา ทสฺสนียา ปาสาทิกา อโหสิ. สา


เนื้อความอรรถกถาฉบับภาษาบาลี อักษรไทย เล่มที่ ๓๔ หน้าที่ ๖๗.
http://84000.org/tipitaka/read/attha_page.php?book=34&page=67&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=34&A=1419&pagebreak=1
http://84000.org/tipitaka/atthapali/th_line.php?B=34&A=1419&pagebreak=1#p67