อรรถกถาเล่มที่ ๓๔ ภาษาบาลี อักษรไทย
เถรี.อ. (ปรมตฺถที.)
หน้าที่ ๙๘.

       [๗๑]  เจโตปริจฺจญาณญฺจ            โสตธาตุ วิโสธิตา
             อิทฺธีปิ เม สจฺฉิกตา           ปตฺโต เม อาสวกฺขโย
             ฉฬภิญฺญา สจฺฉิกตา            กตํ พุทฺธสฺส สาสนนฺ"ติ
อิมา คาถา อภาสิ.
      ตตฺถ นาจฺฉราสงฺฆาตมตฺตมฺปีติ อจฺฉราฆฏิตมตฺตมฺปิ ขณํ องฺคุลิโผฏนมตฺตมฺปิ
๑- กาลนฺติ อตฺโถ. จิตฺตสฺสูปสมชฺฌคนฺติ จิตฺตสฺส อุปสมํ จิตฺเตกคฺคํ น
อชฺฌคนฺติ โยชนา, น ปฏิลภินฺติ อตฺโถ.
       กามราเคนวสฺสุตาติ กามคุณสงฺขาเตสุ วตฺถุกาเมสุ ทฬฺหตราภินิเวสิตาย
พหเลน ฉนฺทราเคน ตินฺตจิตฺตา.
        ภิกฺขุนินฺติ ธมฺมทินฺนาเถรึ สนฺธาย วทติ.
      เจโตปริจฺจญาณญฺจาติ เจโตปริยญาณญฺจ วิโสธิตนฺติ สมฺพนฺโธ, อธิคตนฺติ
อตฺโถ. เสสํ วุตฺตนยเมว.
                    อญฺญตราเถรีคาถาวณฺณนา นิฏฺฐิตา.
                        ----------------
                    ๔๔๐. ๒. วิมลาเถรีคาถาวณฺณนา
      มตฺตา วณฺเณน รูเปนาติอาทิกา วิมลาย เถริยา คาถา.
      อยมฺปิ ปุริมพุทฺเธสุ กตาธิการา ตตฺถ ตตฺถ ภเว วิวฏฺฏูปนิสฺสยํ กุสลํ
อุปจินิตฺวา อิมสฺมึ พุทฺธุปฺปาเท เวสาลิยํ อญฺญตราย รูปูปชีวินิยา อิตฺถิยา ธีตา
หุตฺวา นิพฺพตฺติ, วิมลาติสฺสา นามํ อโหสิ. สา วยปฺปตฺตา ตเถว ชีวิตํ ๒-
กปฺเปนฺตี
@เชิงอรรถ: ๑ สี.,อิ. องฺคุลิโผฐนมตฺตมฺปิ  ๒ ม. ทุจินฺติตํ


เนื้อความอรรถกถาฉบับภาษาบาลี อักษรไทย เล่มที่ ๓๔ หน้าที่ ๙๘.
http://84000.org/tipitaka/read/attha_page.php?book=34&page=98&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=34&A=2075&modeTY=2&pagebreak=1
http://84000.org/tipitaka/atthapali/th_line.php?B=34&A=2075&modeTY=2&pagebreak=1#p98