บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๕ ภาษาบาลี อักษรไทย ชา.อ.๑ เอกนิปาต(๑) หน้าที่ ๒๔๑.
น กิรตฺถิ รเสหิ ปาปิโย อาวาเสหิ วา สนฺถเวหิ วาติ อาห ฯ อิทานิ เนสํ ปาปิยภาวํ ทสฺเสนฺโต วาตมิคนฺติ อาทิมาห ฯ ตตฺถ คหนนิสฺสิตนฺติ คหนฏฺฐานนิสฺสิตํ ฯ อิทํ วุตฺตํ โหติ ปสฺสถ รสานํ ปาปิยภาวํ อิทํ นาม อรญฺญายตเน คหนนิสฺสิตํ วาตมิคํ สญฺชโย อุยฺยานปาโล มธุรเสหิ อตฺตโน วสํ อาเนสิ สพฺพถาปิ สฉนฺทราคปริโภเคหิ รเสหิ นาม อญฺญํ ปาปตรํ ลามกตรํ นตฺถีติ รสตณฺหาย อาทีนวํ กเถสิ กเถตฺวา จ ปน ตํ มิคํ อรญฺญเมว เปเสสิ ฯ สตฺถา น ภิกฺขเว สา วณฺณทาสี อิทาเนว เอตํ รสตณฺหาย พนฺธิตฺวา อตฺตโน วเส กโรติ ปุพฺเพปิ อกาสิเยวาติ อิทํ ธมฺมเทสนํ อาหริตฺวา อนุสนฺธึ ฆเฏตฺวา ชาตกํ สโมธาเนสิ ตทา สญฺชโย อยํ วณฺณทาสี อโหสิ วาตมิโค จูฬปิณฺฑปาติโก พาราณสิราชา ปน อหเมว อโหสีติ ฯ วาตมิคชาตกํ จตุตฺถํ ฯ ---------- ๕ ขราทิยชาตกํ อฏฺฐขุรํ ขราทิเยติ อิทํ สตฺถา เชตวเน วิหรนฺโต อญฺญตรํ ทุพฺพจภิกฺขุํ อารพฺภ กเถสิ ฯ โส กิร ภิกฺขุ ทุพฺพโจ โอวาทํ น คณฺหาติ ฯ อถ นํ สตฺถา ปุจฺฉิ สจฺจํ กิร ตฺวํ ภิกฺขุ ทุพฺพโจ โอวาทํ น คณฺหสีติ ฯ สจฺจํ ภควาติ ฯ สตฺถา ปุพฺเพปิ ตฺวํ ทุพฺพจตาย ปณฺฑิตานํ โอวาทํเนื้อความอรรถกถาฉบับภาษาบาลี อักษรไทย เล่มที่ ๓๕ หน้าที่ ๒๔๑. http://84000.org/tipitaka/read/attha_page.php?book=35&page=241&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=35&A=5000&modeTY=2&pagebreak=1 http://84000.org/tipitaka/atthapali/th_line.php?B=35&A=5000&modeTY=2&pagebreak=1#p241
จบการแสดงผล หน้าที่ ๒๔๑.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]